Christmas Mei
Posted on Saturday, December 07, 2013by Siam Kim
December 7
Kigin ni
CHRISTMAS MEI
SIMDING:
Matthai 5:13-16
Khuamial sunga om mite in khuavak tangpi mu ding uha, lauhuaina kuam aa tu mite tungah zing khuavak thak hong taang hi.––Matthai 4:16
KUMTAWN LAI SIANGTHO:
Daniel 5-7
2 Johan
December hong tun simin, innkuan 13 te kipawl-in Christmas mei 300,000 bang det khat-in de uha, taang pempam hi. Gamlapi pan mite zong tua mei taang en dingin hong pai uha, tua tenga kihong lasaknate zong hong ngai zel uh hi. Tua banga lasakna le mei vakte pen computer mal 64 bang kizang hi.
Tua bang meivakte ka muh ciangin, hih bang meivakte a kivak theih nading tuma kum 2000 kiim lai-a hong taangin leitung khempeuh a lawh khuavak pen ka phawkkha hi. Tua khuavak in thumanna, thutanna le itna tawh taang den hi. Tua khuavak ahi Jesuh pen leitung in a ngaklah den le a zon den Pa ahi hi (Isa. 9:2, 6-7). Amah in a nungzuite tungah tua khuavak taangsakin midangte in Pasian’ vangliatna a muh theih ding vaikhak hi (Matt. 5:16).
Den-a innkuante bangin Khristian-te in i khuavak taangkhia sak ding na ngaihsun ngei hiam? Tua hileh, khuazing sunga om mite in zong Pasian’ vangliatna mukha mah ding uh hi. Khristian-te in Pasian’ itna kilangkhia sak lehang, lungdamna thu khuavak hong taangin mite in Jesuh hong munuam ding uh hi. Amah leitung khuavak ahi hi.––Julie Ackerman Link
Ama’ hong cinna nuai-ah,
A misiangthote tawlnga uh hi;
Na khempeuh a bawl khut in
A tate cingzo lua ding hi. – Doddridge
Na khempeuh a thei Pasian i muang hi.
Kigin ni
CHRISTMAS MEI
SIMDING:
Matthai 5:13-16
Khuamial sunga om mite in khuavak tangpi mu ding uha, lauhuaina kuam aa tu mite tungah zing khuavak thak hong taang hi.––Matthai 4:16
KUMTAWN LAI SIANGTHO:
Daniel 5-7
2 Johan
December hong tun simin, innkuan 13 te kipawl-in Christmas mei 300,000 bang det khat-in de uha, taang pempam hi. Gamlapi pan mite zong tua mei taang en dingin hong pai uha, tua tenga kihong lasaknate zong hong ngai zel uh hi. Tua banga lasakna le mei vakte pen computer mal 64 bang kizang hi.
Tua bang meivakte ka muh ciangin, hih bang meivakte a kivak theih nading tuma kum 2000 kiim lai-a hong taangin leitung khempeuh a lawh khuavak pen ka phawkkha hi. Tua khuavak in thumanna, thutanna le itna tawh taang den hi. Tua khuavak ahi Jesuh pen leitung in a ngaklah den le a zon den Pa ahi hi (Isa. 9:2, 6-7). Amah in a nungzuite tungah tua khuavak taangsakin midangte in Pasian’ vangliatna a muh theih ding vaikhak hi (Matt. 5:16).
Den-a innkuante bangin Khristian-te in i khuavak taangkhia sak ding na ngaihsun ngei hiam? Tua hileh, khuazing sunga om mite in zong Pasian’ vangliatna mukha mah ding uh hi. Khristian-te in Pasian’ itna kilangkhia sak lehang, lungdamna thu khuavak hong taangin mite in Jesuh hong munuam ding uh hi. Amah leitung khuavak ahi hi.––Julie Ackerman Link
Ama’ hong cinna nuai-ah,
A misiangthote tawlnga uh hi;
Na khempeuh a bawl khut in
A tate cingzo lua ding hi. – Doddridge
Na khempeuh a thei Pasian i muang hi.
Kicing Lua
Posted on Friday, December 06, 2013by Siam Kim
December 6
Ninga
KICING LUA
SIMDING:
Late 103:1-11
Topa in hong itna kip le hehpihna tawh hong zeem hi.––Late 103:4
KUMTAWN LAI SIANGTHO:
Daniel 3-4
1 Johan 5
Ka inn uah mi tam sim hong pai tak ciang, amau ading an a kicin loh ding ka patau gige hi. Ka buai loh ding khat leuleu-ah amau zong neek theih pawl khat hong keng thei uh hi. Tua bang ciangin upmawh sang peuh hong val thei-a, mi dangte zong ka khol thei uh hi.
Eite’ biak Pasian pen “A Kicing” Pasian ahi hi. Pasian’ hong piak nopzia pen A tate hong itna tawh kiteh thei hi.
Late 103 sungah, David in Pasian’ hong piak hamphatnate genkhia hi. Tg. 4 na-ah Amah in eite siatna panin hong honkhia-a, a itna le hehpihna tawh hong zeem hi.
Sawltak Paul in “Pasian in Kha Siangtho letsong tampi tak hong pia ahih manin, eite’ theih zawhna sangin tampi ciangtanlo-in hong pia hi” (Efe. 1:3; 3:20) ci hi.
Ama’ hong itna lian hangin, Pasian’ ta cihna za i ngah hi (1 Johan 3:1). Ama’ hong hehpihna in hun khempeuh ading kicing-a, na hoih sep nadingin kicing hi (2 Kor. 9:8).
Pasian’ hong itna le hehpihna pen i nuntakna ah dimlet a, midangte tungah i hopsawn ding dongin kicing hi. Vangliatna nei le hong sikh Pasian pen ei-a dingin a kicing lua Pasian ahi hi! ––Cindy Hess Kasper
Ka kha aw, Vantung Pasian phat in;
Ama’ khephung ah hong pai-in.
Hong gum, damsak, hong maisak,
Ama’ min phat den ning. --Lyte
Pasian in i kisapna hong sikh peuhleh sap dang i nei kei hi.
Ninga
KICING LUA
SIMDING:
Late 103:1-11
Topa in hong itna kip le hehpihna tawh hong zeem hi.––Late 103:4
KUMTAWN LAI SIANGTHO:
Daniel 3-4
1 Johan 5
Ka inn uah mi tam sim hong pai tak ciang, amau ading an a kicin loh ding ka patau gige hi. Ka buai loh ding khat leuleu-ah amau zong neek theih pawl khat hong keng thei uh hi. Tua bang ciangin upmawh sang peuh hong val thei-a, mi dangte zong ka khol thei uh hi.
Eite’ biak Pasian pen “A Kicing” Pasian ahi hi. Pasian’ hong piak nopzia pen A tate hong itna tawh kiteh thei hi.
Late 103 sungah, David in Pasian’ hong piak hamphatnate genkhia hi. Tg. 4 na-ah Amah in eite siatna panin hong honkhia-a, a itna le hehpihna tawh hong zeem hi.
Sawltak Paul in “Pasian in Kha Siangtho letsong tampi tak hong pia ahih manin, eite’ theih zawhna sangin tampi ciangtanlo-in hong pia hi” (Efe. 1:3; 3:20) ci hi.
Ama’ hong itna lian hangin, Pasian’ ta cihna za i ngah hi (1 Johan 3:1). Ama’ hong hehpihna in hun khempeuh ading kicing-a, na hoih sep nadingin kicing hi (2 Kor. 9:8).
Pasian’ hong itna le hehpihna pen i nuntakna ah dimlet a, midangte tungah i hopsawn ding dongin kicing hi. Vangliatna nei le hong sikh Pasian pen ei-a dingin a kicing lua Pasian ahi hi! ––Cindy Hess Kasper
Ka kha aw, Vantung Pasian phat in;
Ama’ khephung ah hong pai-in.
Hong gum, damsak, hong maisak,
Ama’ min phat den ning. --Lyte
Pasian in i kisapna hong sikh peuhleh sap dang i nei kei hi.
Deih Teng Cing
Posted on Thursday, December 05, 2013by Siam Kim
December 5
Nili
DEIH TENG CING
SIMDING:
Filippi 4:4-13
Bangbangin om taleng a lungkim thei dingin a kisinsa ka hi hi.__Filippi 4:11
KUMTAWN LAI SIANGTHO:
Daniel 1-2
1 Johan 4
Ka zi a naupan’ lai-in amau Pawlpi ah Carlyle Marney pen pastor khat hi-a, a lawm khat zong hi kawikawi hi. A innkuan sungah a cihzel khat pen “Dr. Marney in, ‘Ka deih teng a cing nading Dahpa khuang kisam ing’” ci-in gen phuauphuau thei hi.
I kisap sangin zong tampi i deihzaw lai-a, piak ding sangin ngah ding i lam-en zaw hi. Tua khit ciangin, i deihna in i ngaihsutzia hong heek-heek hi.
Paul in Filippi khua-a om Jesuh’ thu-um mite kiangah a gen in: “Bangbangin om taleng a lungkim thei dingin a kisinsa ka hi hi... Cihmawhna le cihtheihna a sinsa ka hi hi. Ka hau aa ka zawng zongin, ka vah aa ka kial zongin a lungkim thei ding ka hi hi” (Fil. 4:11-12). Paul in “Ka deih teng cingkhin hi” cih a gennuam ahi hi. Paul pen lungkimna tawh a khangkhia zong hi zenzen lo hi. Amah in leitung nuntak haksatna pan sintawm hi.
Tuhun laitak mah, leitung mun tuamtuam-ah sumzong sumvai-in mi tampi takte buai ngeingai uh hi. Tu laitak a, i neihsa tawh lungkim tek leng, bang aci tam? Tua zong haksa ding hi. Paul in a hihleh, tua teng khempeuh pen, “Kei hong thahatsak Khris hangin tuate khempeuh ka hih thei hi” (tg. 13) ci hi.__David McCasland
Hong huh in Topa, nuntak haksatna sungah lungkim ding.
Khemna khat peuh hangin nop ka sak lohna ding.
Nang nong piak lungnopna bek hong musak in, Topa.
Lungkimna pen tawm deihna pan kipan hi.
Nili
DEIH TENG CING
SIMDING:
Filippi 4:4-13
Bangbangin om taleng a lungkim thei dingin a kisinsa ka hi hi.__Filippi 4:11
KUMTAWN LAI SIANGTHO:
Daniel 1-2
1 Johan 4
Ka zi a naupan’ lai-in amau Pawlpi ah Carlyle Marney pen pastor khat hi-a, a lawm khat zong hi kawikawi hi. A innkuan sungah a cihzel khat pen “Dr. Marney in, ‘Ka deih teng a cing nading Dahpa khuang kisam ing’” ci-in gen phuauphuau thei hi.
I kisap sangin zong tampi i deihzaw lai-a, piak ding sangin ngah ding i lam-en zaw hi. Tua khit ciangin, i deihna in i ngaihsutzia hong heek-heek hi.
Paul in Filippi khua-a om Jesuh’ thu-um mite kiangah a gen in: “Bangbangin om taleng a lungkim thei dingin a kisinsa ka hi hi... Cihmawhna le cihtheihna a sinsa ka hi hi. Ka hau aa ka zawng zongin, ka vah aa ka kial zongin a lungkim thei ding ka hi hi” (Fil. 4:11-12). Paul in “Ka deih teng cingkhin hi” cih a gennuam ahi hi. Paul pen lungkimna tawh a khangkhia zong hi zenzen lo hi. Amah in leitung nuntak haksatna pan sintawm hi.
Tuhun laitak mah, leitung mun tuamtuam-ah sumzong sumvai-in mi tampi takte buai ngeingai uh hi. Tu laitak a, i neihsa tawh lungkim tek leng, bang aci tam? Tua zong haksa ding hi. Paul in a hihleh, tua teng khempeuh pen, “Kei hong thahatsak Khris hangin tuate khempeuh ka hih thei hi” (tg. 13) ci hi.__David McCasland
Hong huh in Topa, nuntak haksatna sungah lungkim ding.
Khemna khat peuh hangin nop ka sak lohna ding.
Nang nong piak lungnopna bek hong musak in, Topa.
Lungkimna pen tawm deihna pan kipan hi.
Subscribe to:
Posts (Atom)