PASIAN IN ZA

February 1
Kigin ni

PASIAN IN ZA

SIMDING:
1Samuel 1:9-20


Hannah in a lungsim pan in thu ngen hi... a aw kiza lo hi.––1 Samuel 1:13


KUMTAWN LAI SIANGTHO:
Siampi Laibu27-28
Matthai 21:1-22

Ka tanu tawh naupang laibu pawl khat ka sim khit uh ciangin khangham laibu tawmvei sim ding leh tua laibute sunga akigen thute et ding ka gen hi. Laibu phenin a ginglo-in ka sim hi. Tawmvei khit ciangin ka tanu in, “Nu aw, lai sim kei teh” hong ci hi. Gingkhia lo a hih manin laisimlo in ka tanu in hong ngaihsun hi.

    Laisim bangin thungetna zong a ginglo in ki ngen thei hi. Ta a deih mahmah Hannah in biakinnah pai-in, “A lungtang tawh gingloin thu a ngen hi.” Amuk phunphun ahih hang in a aw kiza lo hi (1Sam 1:13). Siampi Eli in mu a, tua numei a tel khial hi. Amah in, “Keimah in Pasian’mai-ah ka lungtang ka suah khia hi”(tg.15). Pasian in Hannah’ lungsim thungetna za in ta pasal khat a pia hi (tg.20).

    Pasian in i lungsim leh i ngaihsut nate hong thei ahih manin i thungette midangte in za kei mah tase leh Pasian in za hi. Eite khamuanna tawh thu hong ngensak a Amah in hong za in hong dawng hi (Matt 6:8,32). Tua ahih manin kuamah in za kei mah ta leh eite in Pasian kiangah thu i ngen thei hi. Panpihna i ngen thei hi. Hong piak thuphate hangin lungdam i ko thei hi.– Jennifer Benson Schuldt

Thunget hunnuam, thunget hun nuam
Lungkhamna pan hong sam khia-a,
Ka deih ka sapna a tuamtuam
Ka gen theih hun ka Pa mai-ah. – Walford

Pasian kiangah i kiko ciangin Amah in i lungtang sungah daihna hong pia hi.

Read More

VAN LEITE’ KISIKNA

January 31
Ninga

VAN LEITE’ KISIKNA

SIMDING:
Piancil 3:1-8

Hotkhiatna puan kei hong silhsak in, thumanna puanpi tawh kei hong tuamkhin hi.
___Marka 10:21

KUMTAWN LAI SIANGTHO:
Paikhiatna 25-26
Matthai 20:17-34

Na  van leisa khatpeuh deidlo-in na kisik ngei hiam? Ken ka tuak ngei hi. Na ka leima-in a thak khat ngah ding cih ngaihsunin ka lawplua khazel hi. A kisam mah a hiam aw? Ka sum phengzat kha ka hiam aw, ci-in ka leikhit phetin ka kisik bang omngei hi.
 
   Piancilna 3 sungah tua bang a masa pen kisikna i muthei hi. Satan gulpi le a vanzuak ngian tawh, Eve in Pasian’ kammal a muanmawhna dingin na ze-et hi (tg.1). Pasian hihna a muanmawh theihna ding hanciam to lai hi (tg.4-5). Na mit kihongin Pasian na bang ding ci sawnsawn hi (tg.5).
 
   Eve in ne-in Adam in a nek khit phetin leitung ah mawhna hong lut hi. Adam leh Eve pen gulpi cih bangin a mit uh a kihon tei hangin Pasian bangzo lo mawk uh hi. A leikhit phetin kisik kik hi. Tua manin a masa penpenin a buk loh phamawh hi (tg.7-8).
 
    Mawhna in a zom nei hi. Pasian hoihpenna tawh hong kigamla sak den hi. Ahi hangin Adam le Eve pen Pasian in hehpih in savum puan na silhsak veve hi (tg.21). Singlamteh tungah Jesuh hong sih ding etkkholhna zong a hihi. Asi hong luanga, ama thumanna puan hong silhsak hi. Kisikna om ngei nawnlo hi. – Poh Fang Chia

Sunglam lungsim zepna dingin,
Dikna, thuman, hehpihna, leh theihna,
Ka lungtang ah ka tensak ding a,
Tuate puan bangin kasil ding ta.

Pasian thumanna a pholak, simlamteh in mihingte thumanna ding  hong hilh hi.

Read More

TOPA’ MIT-AH MANPHA

January 30
Nili

TOPA’ MIT-AH MANPHA

SIMDING:
Late 116

Ama’ mi siangthote’ sihna pen Topa’ mit-ah manpha hi. ___Late 116:15

KUMTAWN LAI SIANGTHO:
Paikhiatna 23-24
Matthai 20:1-16

Ka lawm khat hong sih ciangin khualzinna om ka lawm khat in, “Ama misiangthote sihna pen Topa’ mit ah manpha hi (Late 116:15),” cih tawh pilvang takin hong hehnem hi. Hong nusia ka lawm uh pen Jesuh Khris umin a nuntakna uk sak a hih manin Pasian kiangah a ciat ahi hi. A innkuan pihte’n zong hih mah ci uh hi. Ahi zongin ke’n, a dahna lamuh ka bullet lua kha hi.
 
   Late ka sim ciangin ka lawm’ sihna pen Pasian in koici muh cih ka thei  hi. “Manpha” ci hi. Misiangthote sihna in ei dahna sangin a lianzaw thukhat hong lak hi.

    “Mi siangthote (I itte) sihna pen Pasian muhna ah manpha (thupi) hi. Lai Siangtho a dangkhat ah   “Amah a itte Pasian in manphasa mahmah a, mawk sihsak lo hi,” ci hi. Pasian in sihna pen zangkhai ngaihsut lo hi. Thu-um mite sihna pen supna hong suahlo in hamphatna hong suaksak zaw tua Pasian’ hehpihna le a thahatna pen lamdang mahmah hi.
 
   Tu ni-in dal limlang et bangbekin i mu hi. Nikhat ni ciangin a khuavak sungah kitel taktakin i mu ding hi. – David McCasland

Ka hu tawpna ka san ciangin,
Tua dalna puan phelnih suak in,
Sihna mah tawh Sihna pan ka suakta ding a,
Nuntak tawntung na ka ngah ding ta.-Montgomery

Sihna guampi ah upna lei kidawh hi.

Read More

LAM-ETNA LIANPI

January 29
Nilai

LAM-ETNA LIANPI

SIMDING:
Filippi 1:12-21


Midangte in Khris a phat theihna un ka lungsim le ka pumpi tawh keima tavuan ka lelh het lohna ding pen ka deih bulpi ahi hi.
__Filippi 4:5

KUMTAWN LAI SIANGTHO:
Paikhiatna 21-22
Matthai 19

Nang kiangah a koici mite hong pai diak hiam?” ci-in Counselor khat ka dot leh, “Buaina a pianna a hang khat pen Lametna ngahlohna hi. A hun lap kei leh hehna gitlohna suakto thei hi,” cih tawh hong dawng saisai hi.

    Ei hong deih, hong sangthei mite tawh kikholh ding pen kilamen kha zelzel hi. Ahi zongin tua tawh a kilehbulhta-in hong  piangzel hi.

    Thongkia-in, Rome khuami a mah a deihlo thu-um mite in lungsim a nawngkai sak hangin (Filippi 1:15-16), Paul pen lungnuam mahmah lel hi. Pasian in mission field thak a pia danin ngaihsun hi. Thong kongcingte tungah Pasian thu gen a, Caesar inndong lungdamna thu tun hi. Amah a haza te in ngimna hoihlo tawh thu a hilh hangin Khris thu a hilh mah hiveve a, Paul a lungdam zaw lai hi (tg.18). 

    Paul in a dangdangte sangin ama tungtawnin Khris min a than dingpen a lamet lianpi ahi hi (tg.20). Lungkia hetlo hi.

    I lametna pen mite in Khris a muhna ding a hih nak leh  hong tangtung in hong khangto ding hi. Khris min thang ding hi. – Joe Stowell

Kei ading bek lamen in na min thanna ding ka sepkhak loh, hong maisak in Topa,
Tuni in kei hangin na itna, na hehpihna, leh na thumanna mite’n hong phatta hen.

Koikoi ah na om a, kua tawh na om zongin Khris min thansak ding bek lametin nei in.

Read More

GEELNA SANG HOIHZAW

January 28
Pithai

GEELNA SANG’ HOIHZAW

SIMDING:
Efesa 5:15-21

I Topa Jesuh Khris hangin thu khempeuh ah Pasian’ tungah lungdamna na ko ta un.__Efesa 5:20

KUMTAWN LAI SIANGTHO:
Paikhiatna 19-20
Matthai 18:21-35

Vai kipelhna cih pen gelkholh hetloh in hong om theizel hi. I nuntakna pen a nuamlo, a lemlo vive tawh kidim a, i gel bang theingei lo hi. Dammawhna, kilemlohna, l khuasung lampi kigakna, mangngilhtheihna, gelbatlohna, gitlohna, thadahna, lungtomna. Ah!! Tampi tampi.
 
   I muh theihloh pen tua vailemlo te ii hua lamgal a hihi. I tha dahin i gelna kipelh ci-in  khiatna neilo in i ngaihsun hi. Ahi zongin tua pen Pasian in eite muhtheih loh lauhuaina panin hong kepna zong na hithei hi. Tua banah Pasian hehpihna leh mawhmaisakna i lahkhiat theihna zong hi thei hi. I gelna sangin a hoihzaw hong pianna zong hithei lai hi. Vaitampi te tungah i lungsim puakzia ding hong hilhna zong hithei veve hi. Bangbang a hi zongin eite Khris tawh kisun semsem in Pasian gam i zaisak semsem nading Pasian in ngimna nei hi.
 
   Tanglai Pasian thu-umte thuakna te noplohna cih khatin ngaihsun leng thupi suah lo hi. Pasian in ngimna nei hi cih theih leng i hunte mawk zat lo in (Efe 5:16,20) Pasian a ding in zangthei ding hihang. - Julie Ackerman Link

    Nisim in thu nengkai te hang in,
Mi khatpeuh mawhsak in,
 ka lung a kiat ma in,
Nang kong muhtheih nang hong hilh in.

Hong piangtawm thute sangin Pasian in ei tawntungin a sepkhiatnate thupi zaw hi.

Read More

JAN 26, 2014 CHURCH PROGRAM

JAN 26, 2014 BIAKPIAK KIKHOPNA PHOTO

-------------------------------------------------------------------

Audio Files

-------------------------------------------------------------------

Click here to view PDF Bulletin File on Scribd.com 

THU ZAKSAKNA

1. Sumpi (19-1-2014):
Nipi=104475, Biakinn=114800, YD=5900, WD=18070
 
WD Mission (Friday) Sumpi            = Ks. 5,600

Sehsuah Sumpi: Nu Dim Ngaih Lian         = Ks. 120,650
MD ading Nu Pau Khan Cingte nupa piak     = Ks. 20,000
 
Bakinn Sumpi:     
Hoihnu (Malaysia)         = Ks. 148,000
 Tg. Thawng Za Cin        =  Ks. 100,000
 
Lift Fund: 
(1) Mr. Vum Nang         = Ks. 100,000
(2) Thu-um mikhat (Lai-ip)     = Ks. 100,000

-------------------------------------------------------------------

Rev. S. Neng Za Khup’ Tangthu Tom
1950 October 17 ni-in Pu Suan Khan Thang (Suante) leh Pi Dim Za Ching te sungpan suak a, 1974 kum in piangthak hi. 1977 Kum in Gauhati University pan B.A ngah hi. 1983 July in ATS, Manila pan M.Div(Missions) ngah a, 1985 January in Ordination kipia hi. 1993 November 5 ni-in Sn Ning Ngaih Ching tawh pumkhat suahna nei-a, tapa Tg. Thang Sian Mung leh tanu Lia Ching Lian Mawi te nei hi. 1999 March in
SAIACS, Bangalore, India pan M.Th (Missions) ngah hi.
1971 - 1986 kum (15) sung Evangelical Baptist Convention (EBC) ah sem a, 1987 - 2001 kum (15) sung Indian Evangelical Mission (IEM) ah sem hi. 2002 pan tuni ciang dong North East Centre for Training And Research (NECTAR) ah Director sem hi.
Vision for City Missions: Reaching the city churches to reach the unreached in the cities.

----------------------------------------------------------------------

2. Niangtui le Moh: Pawlpi mi January Kha suak tengin tuni hong kikhawm khempeuh niangtui le moh hong vaak hi.

3. Paak, Bulletin leh Tuivot: Pa Suang Khen Tuangte innkuan in ama suahni 29.1.2014 mukik thei ding a hongsiam Topa tung lungdam kohna leh tuniciang dong Topa’n thupha apiaknate lungdam kohna in abei teng hong sik hi.

4. Tedim Khuavak: Tedim Khuavak Special Issue thapia ciat ni!

5. E &M Thusinna: 25 January 2014 ni-in TBC-Y E & M Department makaihna tawh Rev. S. Neng Za Khup in thusinsakna leh Mission Seminar te nopci takin kizang thei hi. Mimal (50) bang kihel a, tha kingah mahmahhi.

6. EC Meeting: Tuni kikhop man ciang EC Meeting om ding a, Member khempeuh kahkim ciat ni!

7. MD: Biakpiakna ah Sya Luan Khan Tung in hanthotna hong pia ding hi.

8. WD: Biakpiakna ah Asst. Pastor Ai Lian Pau in hanthotna hong nei ding hi.

9. Pawlpi Homecell kikhopna dingte:
*Tarmwe/ Kyaukmyaung 29 Jan/Wed Pa Cin Khen Zam
*Hlaing/ Thukha 29 Jan/Wed Nu Cing Ngaih Lian
*Yuzana 30 Jan/Thu Sya D. Zam Lam Thang
*Hlaingtharyar 31 Jan/Fri Pa Pau Khan Mang
*Kyauktada/Dagon 31 Jan/Fri Pa Kam Kho En
*MIT 31 Jan/Fri Rev. Go Van Mung
*Pazundaung 31 Jan/Fri Upa Neng Khan Cin
*Sanchaung 31 Jan/Fri Pa Sian Cin Mang

---------------------------------------------------------------------- 
 HUNGEELNA

Lai Siangtho Simna/ Hun-apna ~ Music Committee
Phatna le Biakna ~ Music Committee
Lai Siangtho thusinna (Piancil 12:2-3) ~ Honorary Pastor
*Mipi La: “Taangsak Ni”
Siampi thungetna ~ Rev. Suan Khan Lian
Kote’ Hong Thuumna ...
Biakinn sumpi donna leh apna ~ Associate Pastor
Phatna La ~ Khang Khang
Lai Siangtho simna leh Action Song ~ Senior Class, CED
Nipi Sumpi donna (Lai Siangtho) ~ Hun uk
Phatna La ~ Sya Mung Ngaih Lian
Sumpi apna (Doxology) ~ Pa Cin Lam Tun, Chairperson, MD
Thuzaksakna ~ Hun uk
Lai Siangtho Simna: Rom 10:14, 15
Lapawl ~ Church Choir
Hanthotna: “A Kilawm christian nuntakna”
*Mipi La: “Itna Sisan Luangin”
*Thupha piakna ~ Church Pastor
Amen Thumvei
Lungdamkoh thungetna ~ Rev. David Suan Za Thang

--------------------------------------------------------------------

Piancil 12:2-3

--------------------------------------------------------------------- 

Photo of the Week

Read More

SINGLAMTEH LAMDANNA

January 27
Pizing

SINGLAMTEH LAMDANNA

SIMDING:
Hebru 12:1-4

I upna ah hong cingtaksak, mailam ah ngah ding lungdamna hangin maizumna kihta lo-in singlamteh tungah sihna hong thuak Jesuh mitsuanin nei ni. __Hebru 12:2

KUMTAWN LAI SIANGTHO:
Jeremiah 15-17
2 Timoti 2
 
Australia gam ah a kimu thei, leitung tawlam a kitheihtheihna  aksi lite zomleng singlamteh lim suak a, tua pen “The Southern Cross” kici hi. Nitak khuaphat ni khat in tua Southern Cross ka mukha ngei hi. Hih pen kum zalom 15 laipek panin tuipi lamlak in a kinei khat ahi hi. Southern Cross kici aksite a neu mahmah hangin kum tawn kimu thei hi. Tua nitak in kitel muh kisa in aksi te a kilo theiding bang phial hi. Munop mahmah hi. 

    I Lai Siangtho in a thupi zaw khat hong gen pen Jesuh Singlamteh hi. Aksite i et ciangin Pasian’ khutma i mu a, Singlamteh  et ciangin a bawlsate ading a kithak a Bawlpa mu hi. Hebru 12:2 ah “I  upna ah hong cingtaksak, mailamah a ngahding lungdamna hangin maizumna kihta loin singlamteh tungah sihna hong thuak Jesuh misuan in nei ni,” ci-in hong zawn hi.

    Tua Singlamteh lamdanna pen “Eite mawhna sungah i om laitak in eite adingin Honpa hong sikhin (Rom 5:8),” cih thu a hihi.

    A upna uh Pasian sungah a koih mite Pasian tawh kipawlta a, a nuntak sung tawntung Pasian in lam a lak ding hi (II Kor 1:8-10).

    Singlamteh tungah Khris hong sihna pen a lamdan penpen a hihi. – Bill Crowder

Vanglian Kumpipa hong sihna,
A Singlamteh ke’n velvel leng;
Kei’ hauhna kei kiphatsakna,
Kei’n tu’n bangmah in sim nawn keng.-Watts

Tawntung mun zuatna ah a lungmuan huai pen lamlak Khris’ Singlamteh hi.

Read More

ANGAK NUNGZUITE

January 26
 Nipi Ni 

ANGAK NUNGZUITE

SIMDING:
Late 40:1-3

Topa lamen-in ka ngak ngiungeu-a, keima’ lamah amah hong nga-in ka kikona aw hong za hi.__Late 40:1

KUMTAWN LAI SIANGTHO:
Paikhiatna 14-15
Matthai 17

Ngak’ cih pen a haksa mahmah nasep khat hi. Zato ah ansai ah koikoi ah ngakna bekbek hi. A khut a kuaikuai tawh, a ham baba tawh, a khe singsing tawh om hi. Hong kikhak lo lai peuh i ngak thei a, tapa taimang peuh i ngakngak a, i zi i pasal hong kikhel leh ci-in ngakna nam zong  nei hi. I tate hong khanding i ngak a, i lunggulhna te hong tangtun ding i ngak hi.

    Late 40 ah David in, “Lungduai takin Topa ka ngak,” ci hi. David in a thungetna Pasian in a dawn ding ngak ngak, ngak ngak in ngak ngak hi. Ngah a kisak loh thungetnate a et kikciangin Pasian tungah lungdam ko zaw hi. “Lathak sa in..Pasian phatna ka lungsim tawngah ka sa ding (40:3),” ci hi.

    F. B. Meyer in “Pasian’ zekaina cih kua in gen ngam ding a hihiam?” Mihing lungsim a lungduai ding a hong hilhna thusim a hihi. Ngak siamna tawh lungduaina, lungdam a ngaktheihna, kiniamkhiat theihna te ki ngah thei hi. 

Lunggulh tak a i thungette hong zekia ciangin bang i ci hiam? Amah i muan semsem nadingin hong hilh hong taakna nahi a, tua pen Pasian min thanna ding ahi hi. – David Roper

Nang deih bang Topa, Nang deih bangbang,
Nang  mah belsek pa, kei tung man bang,
Nang ma’ deih bangin kei hong bawl in
Tanglo mang dingin nang kong ngak hi –Pollard

Pasian na ngak leh na sum ngei kei ding hi.

Read More