BOLT IN BLAKE THAPIA

February 22
Kigin  ni

BOLT IN BLAKE THAPIA

SIMDING:
Hebru 10:19-25


Khat le khat ki-it ding leh na hoih sep ding ki hanthawn ni––Hebru 10:24


KUMTAWN LAI SIANGTHO:
Gamlak Vakna 4-6
Mark 4:1-20

Jamaica a om Usain Bolt le Yohan Blake te in pasal tai kidemna meter 100 le 200 pen 2012 kum London Olympics ah a khatna le a nihna alak khit uh ciangun minthang mahmah uh hi. Bolt in Blake tawh kisai hih bangin gen hi: “Yohan in kumtampi kimawl siam ka suah theih nadingin hong huh hi. Amah in hong tawsawn in ka khete hong domto hi.” Hih lawmta nihte tha kipia tuak uh ahihna kimu thei hi.

    Khris sungah thu-umte hihna tawh eite in upna khat le khat ki awm sawnin thapiak ding vaipuak i nei hi. Hebru laigelh pa in, “Khat le khat ki-it ding le na hoih sep ding kihanthawn ni” (Heb. 10:24) a ci hi.
    

Pawlpi pen kipawlna khat, beh kipawlna cih bang bek ahi kei hi. Pasian kiangah i tun theihna, i mawhnate kimaisakna, le Khris tawh i kibat semsem theih nadingin khat le khat kihanthotna mun ahi hi. Pumpi khat bangin kimuh khopna geelna bulpi in khat le khat tha kipiak tuah theih nading ahi hi (tg. 19-25).
    

Thu-um mikhat amah bek in na a sem thei kei hi. I Topa Jesuh Khris’ deihna bangin nuntak theih nadingin thu um mite ki pum khat ding ahi hi.  Thu-um mite tawh na kimuh ciangin i it leh a na i sepsak Khrih tawh a kibat semsem theih nadingin kampauna leh gamtatna tawh tha na pia zaw in.––C. P. Hia

I Pa’ tokhom mai-ah
Hanciam in thu i ngen hi;
I lauhna, lametna, ngimnate kibang hi,
I tha ngahna le i sepna zong kibang hi––Fawcett

A cidam pawlpi i cih in haksatna thuak mite tungah lungdamna thu genna ahi hi.

MUALSANG PAN GENKHIA IN

February 21
Ninga

SIMDING:
Mark 3:1-15


Amah mual tungah kahto in a deihmi pawlkhat a sam hi. Amaute in zong a zui uh hi ––Mark 3:13


KUMTAWN LAI SIANGTHO:
Gamlam Vakna 1-3
Mark 3
Colorado ah ski kimawl kawm in biakinn ah Nipi ni simin a kikhawm kum sawmval a pah naupang te thu thuthang sungah ka muh ciangin lamdang ka sa hi. Summit Daily News  sungah Kumberly Nicoletti’ thu mipi te lungsim sukha hi. Amaute in kimawl na lunglut thei mahmah uh a, Jesuh in amaute’ nuntakna a khelhna thu a gen nuam uh hi. Hih khangnote pen Pasian’itna a lak Khritian Khangno kipawlna a phuan khiate ahi uh hi.
  
Midangte pattahna sangin nang le nang a nasep ding baihzaw hi. Jesuh in leitung mite tungah lungdamna thu a gen dingin nungzui sawm le nih teel in a hun neih khempeuh amaute tawh a zang hi. Cidamna a ngah nuam mi tampi hong kikhop ngeingai ciangin Jesuh in mual tungah a kah to hi. “Amah  tawh a om khawm ding leh a sawlkhiat dingin nungzui sawm le nihte a teel hi” (Mark 3:14).
  
Colorado khangno kipawlna sung panin khat in hih bangin gen hi:” Kei pen ka innkuanpihte tawh ahi zong, ka lawmte tawh akizong kizopna hoih ka nei kei hi; Amaute tawh ka kithuah kei hi. Hih kipawlna in Pasian’itna hong lak hi. Midangte tungah itna lah nang hong hilh hi.”
  
Jesuh’ itna muhna, le amah le a nungzuite tawh kilawmtatna sungah Pasian minthan na dingin nasepna le kampauna-ah hangsanna hong pia hi.––David McCasland
  
 Pasian hong sapna bangin mainawt ni.
Jesuh’ sisan manpha in hong gum zo hi;
Hong itna lah ding leh a nunakna pen nuntakna hi
Ama thu gen in hong hehpihna piak ding hi––Whittle

Teci panna pen na sep ding hilo a, nuntakpih ding ahi hi.

BANGMAH LO GALVILNA ZIA

February 24
Nipi Khuavak

BANGMAH LO GALVILNA ZIA

SIMDING:
Thukhente 7:2-8


Kei pen Pasian ka hi a, mikhempeuhte’ Pasian ka hi hi. Kei a’ding a haksa lua bang om ahi hiam?
––Jeremiah 32:27

KUMTAWN LAI SIANGTHO:
Gamlak Vakna 9-11
Mark 5:1-20

Sente tangthu Romance of the Three Kingdoms a gelhpa Luo Guanzhong in “Bangmah lo Galvilna Zia” gelh hi. Galte khemin zawhna zia ahi hi. Vei Gam panin galkap 150,000,  2,500 sang atamzaw, Xichengah hong kuan ciangin  amaute in kongkhakpi zai takin hong uh a, galkap tumging tumsiam Zhuge Liang in naupang nih tawh tumging tum uh hi. Galkap bu Wei in hih thupiang a muh ciangin galkap tampi-in buksim hi, ci-in um hi.
   

 Lai Siangtho sungah khemna tawh galdona zia ki mu thei hi. Thukhente 7  na sungah Pasian in Gideon zangin galkap 300, tuukite, leibelte leh mei kuangte zangin galte a do uh hi. A gal te in kauphe zah tam in a kala-oh te uh kisim zolo hi” (tg.12).
 

   Israel-te in hih zah a a tam galte bang ci zawh theih ding ahi uh hiam?  Mihing tha tawh kizozo lo hi. Amaute in mihing tha leh galkap thahatna a nei kei uh hi. Ahih hangin amaute in a kisap mahmah uh ahi amau a’ding a a dosak ding khat  nei uh hi. Amaute in Pasian’ kamciam nei uh hi: “Hih mi 300 tawh note kong honkhia ding a, gualzawhna kong pia ding hi” (tg.7). A tawpna ah gualzawhna ngah uh hi.
  

  Na tha tawh na zawh loh ding gal na nei hiam? Pasian in, “Lau kei in! Kei pen Pasian ka hi hi. Nuntakna nei khempeuhte’ Pasian ka hi hi. Kei a’dingin a haksa bang om ahi hiam?” (Jer. 32:27) ci hi.––Poh Fang Chia

Pasian sungah thahat in hangsan in;
Hong kempa kibang den hi.
Muvanlai bangin na kha phalh in;
Ama min tawh gualzawhna na ngah ding hi––Johnson

Pasian a’dingin na khempeuh piang thei hi.

Feb 16, 2014 Program

Feb 16 2014 Bulletin 

Lai Siangtho thusinna(Matthai 19:13-15)~Honorary Pastor Rev. Khoi Lam Thang

Audio

Siampi thunget~Associate Pastor Rev. Cin Sian Pau

TCC Magazine apna~Church Pastor

L.S.T simna leh Phatna La~Intermediate Class, CED

Biakinn sumpi donna leh apna

Phatna La~Pa Cinno leh alawmte

Phatna La~Paupeek
Phatna La~Lia Lian

Sumpi apna(Doxology)~Sya Pau Khan Kap

Thuzaksakna~Assit. Pastor Zam Khen Khai

"LUNGKHAMNA KUAMPI PAN LAMETNA KONGPI AH"~Rev. Go Van Mung


Khangno hun ah Prof. C. Thang Za Tuan le Steven Za Khaite hunzang thei hi.