HONG THUPI BAWL

Posted on Saturday, November 30, 2013by
November 30
 Kigin Ni

 HONG THUPI BAWL

 SIMDING:
Late 66:10-20

  Topa in hong za taktak zo-a, ka thungetnate hong ngai hi.____Late 66:19

 KUMTAWN LAI SIANGTHO:
 Ezekiel 37-39
  2 Peter 2

C.S. Lewis asih zawh nipi kaal khat khit ciangin, England gam Magdalen kikhopna Biakinn ah a lawm teng kikaikhawm-in mi nautang pan kipan mipil misiamte’ a huzap zo laigelh siampa pahtawina nei uh hi. 

    Tua hun sungah, alawm it Austin Farrer in Lewis pen ama’ tunga kikhak lai khempeuh a thukkik ciatciat pa hi, ci-in pahtawi hi. “Mi khempeuh tungah a lungsim neihzia pen ngaihsut sakna le zahtakna tonkhawm hi” ci-in amuhna gen hi. “Na kammal zat khempeuh amah’n hong thupi laaksak hi,” ci-in Farrer in gen hi. 

    Tua mah bangin, Pasian in i thungetna khempeuh hong neu ngaihsut saklo-in limpha takin na ciamteh khinkhian hi. Haksatna lianpi atuah laitakin Late 66 na-ah laphuakpa Topa tungah kapin kiko hi (tg. 10-14). Tua khit ciangin, Pasian in huh ahih manin lungdamna ko-a, “Topa in hong za taktak zo a; ka thungetnate hong ngai hi” (tg. 9) ci hi. 

    Thu i nget ciangin, Topa in i kammalte hong za-a, i lungsim hong thei hi. Late laphuakpa bangin, “Topa’n thupha ngah tahen, ka thungetnate hong nawlkhin saklo-a, a hehpihna hong ngahsak hi” (tg. 20). I thungetna pen Amah tawh thuk taka i kimuhna mun suaksak hi. Hun khempeuh ah Amah in i kammalte hong thupi san hi. – David McCasland

        Thu ka nget ciang Amah’n hong za,
            Ama’ kammal ka lungmuanna;
        Ama’ hun le zia bangin,
            Amah’n a hoihpen hong pia. ___Hewitt

 Pasian’ phawk den mite ihi hi.

KHATVEI ET-IN

Posted on Friday, November 29, 2013by
November 29
 Ni Nga 

KHATVEI ET-IN

SIMDING:
1 Samuel 16:1-7

 Mihingte in a pualam  a kilangte en a, ahih hangin Topa in a lungsim en hi.___1 Samuel 16:7

 KUMTAWN LAI SIANGTHO:
Ezekiel 35-36
2 Peter 1

Van lei-in ka om laitak, mi khat in guta hong sa-in, khat leuleu in galhang khat hong sa leuleu hi. 

    Tua sai panin ka pusuah ciang, nasem khat in, “Hehpihna tawh, na van leite pen kituun kei in, hong enpha ning” hong ci hi. Tua vante pen ip tawh tuun dingin gol lua ahih lam a theih ciangin, hong thuum hong paisak suak hi. 

    Tua leh, mawtaw kiang ka tun tak ciangin nupi khat in ka lukhu tunga kisuang lai kigelh pen kumpi galkap nasemte lim hi, ci-in thei khial hi. Tua ahih manin hong pai-in, “I gam pen nong huut man-un lungdam mahmah ing” hong ci laizang hi. 

    Tua sumbuk nasem hi taleh, nupi nu hi taleh khatvei amuhna uh tawh thu a khen pahpahte ahih lam ka nung phawksan hi. Mi khat i muh pakna tawh ngaihsut bang i genkhiat pen kidop huai mahmah hi. 

    Samuel in Israel-te’ kumpi ding Jesse’ tate sung a zon laitakin, a puatham muhna tawh teel sawm mawk hi. Ahi zongin Topa in a u-te teello hi. Kha Siangtho in Samuel kiangah, “A tungtham hi taleh, a tun sannate en kei in” (1 Sam. 16:7) ci hi. Pasian in a neupen, kumpi ding zonga kilawmlopen David teel hi. 

    Pasian in Ama’ muh bangin mite amu dingin hong huh ding hi. “Pasian in mihingte’ muh danin mulo-a,... a lungsim bek en hi” (tg. 7).–– Dennis Fisher

        Upna mit tawh mu thei hileng,
            Nisim i muh mite pen,
        Pasian’ khutma vive hi-a,
            Ei tawh thu kikhatte hi gige hi.–D. DeHaan

Khatvei muhpakna in khensatna hong khialsak thei hi.

KOICI LUNGDAM DING

Posted on Thursday, November 28, 2013by
November 28
 Ni Li


KOICI LUNGDAM DING

 SIMDING:
Thuhilhna 5:13-20
 Neih le lamh guanin a hauhna a neeksak.. tua nopna pen Pasian’ kiang pan hong pai ahi hi.---Thuhilhna 5:19

 KUMTAWN LAI SIANGTHO:
Ezekiel 33-34
1 Peter 5

Dr. John White in a laigelhna sungah, tuma kum sawtpi lai-in Pasian in a nopci mahmah inn khat hong vaihawmsak hi, ci hi. Tua inn tawh kisai-in a lungsim a buai den hun zong om hi.
  
  Pasian hong piaksa inn hi, ci-in lungdam takin a theih ciangin lungdam-in kipak hi. Alawmte’ inn tawh a tehkak leuleu tak ciangin, ama inn pen midangte’ inn mawkmawk banglo-in hoih zawdeuh ahih manin kiphasak theizel a, a lungdamna beimang hi. Tua a inn pen van-gikpi hong suak mawk hi. Huang sunga singkung tuamtuamte a puah den ding zong hamsa sata mawk hi. White in, “Thu hoihlo in ka mit hong tawsakin ka van a gik hun ciang, lungdamna in khua hong musak-in ka van hong zaangsak hi” ci-in gelh hi.
   
 Thuhilh siapa in nate tungtawnin i hamphatnate Pasian’ vaang ahihna hong phawksak hi. I sepna tawh kituakin agah i neek khakna, le ama’ kiang pan i ngah lungdamnate cih pen a naak a kibang ahi hi (5:18-19).
   
 A kipat pan atawp dong, nuntakna cih pen Pasian hong piakkhong taktak hi. Tua thu ngaihsun siam leng, i kiphatsak ding omlo-a, i buaipih luat ding zong om tuanlo hi. I sansa hamphatna khat peuh Pasian’ itna vaangin a ngahkha i hi hi.__ Dennis J. DeHaan

     Tulsawm aa sim hong piak manphate,
        Kei’ lungdamna kisuang; 
    A lungdam thei lungtang bek tawh,
Tua na manphate’ thupitna ka ciamkha bek.__Addison

Pasian in na khempeuh hong pia bek hilo-in,
a lungdam thei lungtang zong hong pia hi. ____Herbert

TUI OMNA

Posted on Wednesday, November 27, 2013by
November 27
Nilai

 TUI OMNA


SIMDING:
Late 42:1-5
Keima piak ding tui a dawn khempeuh dangtak kik nawnlo ding uh hi. Tua tui a dawnte sungah nuntakna tuinak piang ding a, a nungtasak paisuak ding hi.–Johan 4:14

 KUMTAWN LAI SIANGTHO:
Ezekiel 30-32
1 Peter 4

Africa gam nisuahna lam pen leitungah a keugawpen gam hi. “Nairobi” cih zong tua mun le mual tawh kituak dinga kiphuak hipah hi. A khiatna taktak pen “tuivot” cihna hi-a, tui omna a gennop ahi hi. 

    Tangthu sungah, tui omna peuhpeuh pen nuntakna hong pia leh nuntakzia hi pahpah hi. Keugaw gam ahi-a, guahzu daikaai gam ahi zongin tui pen a kisam penpen ahi hi. Keugaw sehnel gam-ah, tui omna va zong cih pen sihna sungah nuntakna ding zonzia tawh kibang zen hi. 

    I kha nuntakna ah zong a kisam mahmah khat nei hi. Tua in Jesuh tuikhuk gei-ah a omlai, khalam a dangtaak numei nu kiangah nuntakna tui amah bek in apiak theihlam hilh hi. Jesuh in numei nu kiangah, “Keima piak tui a dawn mi peuhmah a dangtaak ngei nawnlo  ding hi. Ama’ sungah nuntak tawntungna tatsat lo-in phulkhia ding hi” (Johan 4:14) ci hi.  

    Late 42:1-2 sungah tui a duh sakhi a kigen mah bangin, i nuntakna in zong Topa lunggulh den hi (63:10. Jesuh hong piak ding a kang ngeilo tui i kisampha hi. Amah in i lungsim hong nosuaksak nuntakna ciktui naak ahi hi. ___Bill Crowder

Nunna ciktui gunpi bang,
Man ngenlo-in luang den e,
Ka honpa nang kiang pan,
Tua tui kei tung hong tawnsak ta in. ___Wood

 Jesuh pen nuntakna tuinaak ahi hi.

ITNA TAKTAK

Posted on Tuesday, November 26, 2013by
November 26
 Ni Nih 

ITNA TAKTAK

SIMDING:
1 Korin 13:1-8

Itna neite lungkia cih om ngeilo hi. A upna, a lam-etna lungduai takin a ngaknate uh a mawkna cih om  ngeilo hi.  Itna pen a tawntungin a kip ahi hi.––1 Korin 13:7-8

KUMTAWN LAI SIANGTHO:
Ezekiel 27-29
1 Peter 3

Tuma deuh-in ka lawm’ pianna nu pen natna nasia mahmah nei laizang hi. Tua ahih manin a nu adon dingin a lungsim  khensat  hi. Hun khatkhat ciangin anu’ naak bekbek en-in a lunggim mahmah hun tampi tuak mawk hi. Tua laitakin, Beth in itna taktak cih pen a olno ahihlohna, a kingah thei ziauziau ahihlohna phawk pha mahmah hi.   

 Tunung kumin anu zato ah ni nih sung kipuak a, a lawmte kiangah hibangin laigelh hi: “Ka nu tawh ka khualzin khopzia nungthu ka ngaihsut ciang, ka lungdam mahmah hi. Tu laitakin na khempeuh a sum, bangmah phawk nawnlo, huh theih nading lampi zong aphawk lo ka nu pen nuntakna a it le tawlngakna nuam a ngaklah nupi hoih ahihna tel ing. Itna taktak koici bang hiam, cih zong tel mahmah ta ing. Kei tawh kumsawt hong nuntakpih in ci-in khitui naptui tawh ka kiko ding amah’n hong phal kei. Bangmah tawh ka kheek ngam loh ding ka tuahkhak thu hi,” ci hi.
 
    Lai Siangtho in itna pen lungduai-in, zong lungneem hi, ci hi. Angsung thu bek ngaihsun lo-in, heh pahpahlo hi. Na khempeuh thei-in, um-a, lam-etna nei-in, thuakzawhna zong nei hi” (1 Kor. 13:4-7).
 
   Itna taktak i Pa’ kiang pan hong pai hi-a, Amah in a Tapa hong piakhong hi. A hong itna mite tung lah ding i hanciam ciang, Khris’ nungzui-in, midangte-a ding nuntakna i pia ngam ding kul hi (1 Johan 3:16-18).___Cindy Hess Kasper 

Hong it theisak in, kong thuum Topa -
Na itna lungtang hawmkhia-in,
Tui hai khat piak ding zong ka kiging,
Midangte’ adingin kei nungta.___Peterson
 
Itna taktak i cih pen Jesuh ading midangte va huhin, hong thuhkik ding a lam-enlo itna ahi hi.

24 Nov, 2013 Program

Posted on Monday, November 25, 2013by
24 Nov, 13 Bulletin


01.Siampi thungetna ~ Rev. Dr. Nang Sawm Piang


Download

02.Vaimuakna leh Nau apna  ~ Church Pastor


Download

Lia Khai It Zuun leh Lia Khawm Kop Zuun

Lia Khai It Zuun leh Lia Khawm Kop Zuun

03.Phatna La   (Maa Pang Khawmni)  ~ Cing Nem



04.Thugenna tom (HIV/AIDS kikhoina) ~ Sya Tual Do (Agape Community Service)


05.Phatna La (Zogam Nuam)    ~ Dalkom leh Dimboih


Download

06.Sumpi apna (Doxology) ~ Nu Lal Zar Mawii



Download
07.Thuzaksakna  ~ Hun uk Assistant Pastor Dim Za Lun



Download
08.Lapawl   ~ Church Choir

Download
 
09.Hanthotna   : Rev. Dr. Lazuk Dauhkaung (TKBC, Tokyo)



Download
10.Tuiphumna  ~ Associate Pastor
 Tg. Cing Lian Sang              s/o     Mrs. Col. Thang Suan Khai

 Tg. Thang Khan Sian Khai  s/o     Pa Dong Za Dal

 Tg. Nang Sian Mung            s/o     Pa G. Thang Khan Mung

 Lia Ngin San Lun                 d/o     Pa Suan Khan Langh

 Lia Thang Sian Nem            d/o     Rev. Kam Do Thang

Lia Hau San Cing                 d/o     Pa Zam Cin Thang

Lia Luan Ngaih Don            d/o     Pa Cin Za Lian

 Lia Cing Suan Dim               d/o     (Pa Vial Za Thang)

 Lia Cing Sian Kim                d/o     Pa Thang Tuan Mung
11.Tuiphumte letsong piakna  ~ Associate Pastor










KHA LAM GUTA

Posted on Monday, November 25, 2013by
November 25
 Nipi Khuavaak

KHA LAM GUTA

SIMDING:
Johan 1:1-18

Tua thu mihing hong suakin kote lakah hong oma,...Pasian’ pianzia a neihna ka mucian uh hi. Hih pianzia pen Pasian’ tapa khatbek hihna tawh a neih pianzia ahi hi.–Johan 1:14

KUMTAWN LAI SIANGTHO:
 Ezekiel 24-26
1 Peter 2

Manglai ka hilh lai-in, sang naupangte lai ka gelhsak theizel hi. Kei’ mai teekteek a agelhte uh amau kammal le theihna taktak hi, cih thei ka hih manin amau kammal zatte ka tel thei hi. Midang khat aa a kawm, a etteh  le ettehlo ka thei thei hi. Amau gelhzia le gelh kammalte zui-in thei ka hih manin amaute in zong lamdang hong sa uh hi. Amau kammalte zong ka theihsa dikdek hita hi. Eite’ kammal zatte pen i lungsim sung panin hong  phulkhia ahih bangmah-in i atkhiat laite zong tua bangmah ahi hi. Tua i laigelhte in ei bangmi hi, cih hong gentel thei hi. 

    Pasian’ kammal tungtawnin Amah tawh i kithei tel hi. Ama’ gelhkhiatte tungtawnin i simna tawh Amah kua bang hi-a, eite’ theih dingin hong kikoici phuankhiat hiam, cih hong lakkhia hi. Lam khat panin Satan pen Pasian hong kineihkhem theizel hi (2 Kor. 11:14). Pasian’ kammal pen tawm khat melhsuk ziau-in thuzuau pi tawh hong kuan thei hi. Pasian’ thu a bang thu khat tawh eite hong khem sawm a, Jesuh’ sihna hangin hotkhiatna a kingahna sangin, kikep kibawl tawmna tawh hotkhiatna kingah thei cih bangin thuzuau pi khat hong umsak theiziau hi (Kol. 2:23). Satan in mi tampi takte khemzo khin hi.
  
  Pasian in ahih leh, Ama’ aw za-a i theih ding hong kipulaak den hi. Ama’ kammal bek hong pia hilo-in, tua kammal mihing Jesuh in (Johan 1:14) hong piazo lai hi. Ama hangin khemna le thuzuau i mawk up nawn kei ding hi.––Julie Ackerman Link

    Ka lungtang sungah, Topa,
    Nangma’ kammal hong theisak in,
    Na kammalte tungtawnin hong zasak in
    Na deihna kei’ deih hong hisak in. ___D. DeHaan

Na kammalte siangtho a; keimah in ka it hi.__Late 119:140

BANG HUN HITA?

Posted on Sunday, November 24, 2013by
November 24
 Nipi 


BANG HUN HITA?

SIMDING:
Galati 3:26-4:7


Ahun acin ciangin Pasian in A Tapa hong sawl hi.--Galati 4:4


KUMTAWN LAI SIANGTHO:
Ezekiel 22-23
1 Peter 1

Na khempeuh in amau hunciat nei,     cih pen a kinial theilo thuman hi! Tua ahih manin Paul’ gen, “Ahun acin ciangin Pasian in A Tapa hong sawl hi” (Gal. 4:4) cih pen in kei hong telsak phadiak hi.
 
   Leitung tangthu enpak lehang, Khris hong pai hun pen a hun lempen mah hipah hi. Tuama kum zakhat deuh-in Alexander the Great kumpipa in leitung khempeuh zomang khina, Greek ngeina le kampau zangsak hi. Ama’ nungah Roman kumpite in tua gam keek beh lai uha, Greek ngeina le kampau zangsak lai uh hi. Roman kumpi uk sungin Jesuh hong si-a, a sisan hong luang hi. Tua ahih manin gampi thum sungah Pasian’ thu a kizelh theih nadingin lampi hoih, passport a kisamlo gamke-te, le kampau kidanglo cihte in tampi takin huh thei tuampah hi. Pasian’ geelnate in A Tapa hong sawl ding hun tawh kituak dingin lemsak khin gai hi.
  
  Pasian’ hun pen paubanna omlo hi. Na ngaklah mahmah laitak, nang taangin Pasian bang hong buaileh na lunggulh laitak, Amah pen a kilanglo munah vai khempeuh a lem dingin na kithawi khinzo hi. Amah muang in. Bang hun hiam cih Amah’n thei hi.––Joe Stowell

Topa, na pilna le vangliatna nuai-ah,
a lem pen hunin na asem Pa na hi hi.
A ngakzo ding le Nangma’ hun hong tun dong
a muangzo dingin hong hilh in.

Lungduaina thusim kei hong hilh in, ngak ding peuh mangngilh kha-in ka semkha pahpah uh hi. –Marshall
Subscribe to: Posts (Atom)