NASEP

March 15
Kigin ni


NASEP

SIMDING:
Efesa 4:11-16

Topa’ nasepna dingin mi siangtho-te pantah ding, Khris’ pumpi thahat sak ding, upna lamah kipumkhat ding ka hanciam uh hi.––Efesa 4:12-13


KUMTAWN LAI SIANGTHO:

Thuhilhkikna 26-27
Mark 14:27-53

BBC in nasep tawh a kisai a thupi, a kikhaat, a lunglut huai mahmah nasep bang hi ding hiam, ci-in kantelna khat nei hi. Khatnu in tuisung limsuaih nasep, ci hi. Amah pen ansaipi khat ah kuangsawp nasep a sem khat hi. Khat veivei za kiguatna zong pen nasepna thupisak zaw ka sa hi.
  

  Sawltak Paul in Efesa 4:11 sungah Pawlpi ah Pasian’ piak letsongte gualsuk hi. Tua bang nasepte pen a lawphuai zong hizaw tuanlo hi. Pumpi sungah nate’ nasepna a thupi zawdiak cih bang om tuanlo hi. Khat’ nasep pen khat’ nasep sangin hoihzaw cih bang omtuan lo hi.
 

   Hih letsongte’ a deihna bang hipen ding hiam? Tuate in “Mi khempeuh in Khris adingin nasemin Khris pumpi a khansak theih nading, eite a khangcing suakin Khris’ cingtakna ciang i banto ding hi” (tg. 12-13).
 

    Bang zaliatna nei cih thupi lo hi. Midangte’ upna i thakhauhsak ding thupi zaw hi. Lai Siangtho in hong hilh i nuntakzia i ki-etkik ciangin min le za, nasep neihlohna cihte pen a paammaih hilo hi. Pasian i itna tawh thu-um mi khat le khat i kipanpih a, Pasian in hoih a sak bangin a vaihawm nuntakna ah nuam i sak ding a thupi ahi hi (Matt. 25:21).
– C.P. Hia


Topa, midangte’ nuntakna a kikhelsak thei dingin
hong huh in. Keima’ za neihna ding hilo-in
midangte in nangma’ hehpihna a muh theih nading
kei’ nuntakna hong zang in.

Pasian hong piak letsongte pen eite ading hilo-in midangte ading ahi hi.

VAKKHIA NUAM

March 14
Ninga

VAKKHIA NUAM

SIMDING:
Late 119:9-16

Ka lungsim khempeuh tawh nang ka hong zong hi. Na thupiaknate panin kei hong pialsak kei in.––Late 119:10

KUMTAWN LAI SIANGTHO:

Thuhilhkikna 23-25
Mark 14:1-26

ZBC labu No.8 na “Hong Pai In, Thupha Namkim Naak” cih pen ka deih pen khat hi-a 1757 in kum 22 apha Robert Robinson phuah ahi hi. Tua lamal ka ngaihsut ciangin ka sepna peuh a ki-enpha den dingin hong to bangin ka ngaihsun hi. “Topa kong vaksan dek zeel hi, Ka it Pasian, hong kem in” ci hi. Tua bang ka hih hun tam veipi ahi hi. Tamveipi sung ngaihsut nei mello-in ka vakthap a, kei hong it hong honpa Jesuh zong ka ngaihsun nuam nawn kei hi. Robert Robinson le kei bek hi dingin ka ngaihsun kei hi. 

    Tua bangin vakthap laitak, i lungsim taktak ahih leh Pasian tawh kigamla nuamlo hi. Ahi zongin Paul mah bangin, i sep nop lohpi a kisemkha ahi hi (Rom. 7:19). Tuucing hoihpa kiangah i ciah kik ding i lungsim in theih gigena ciang khat om hi. David in tua thu a laphuahna sungah na pulaak a, Late 119 ah “Ka lungsim khempeuh tawh nang ka hong zong hi. Na thupiaknate panin kei hong pialsak kei in!” (tg. 10).
 

   Khatveivei ciang i lungsim in Pasian i zon ding lunggulh mahmah napi, leitung cilesa in a gamla zaw ah hong paisakin hong kigamlasak tektek mawk hi. Eite a tawntung lungduai takin hong ngak den i Topa, vantung aa hong it denpa, eite a hong itna kip tawntungpa tawh i kigamlat laitak zong, Ama kiangah i ciahkik thei hi. – Bill Crowder
 

Topa kong vaksan dekzeel hi,
Ka it Pasian, hong keem in;
Hiah ka lungsim, Nang sung seel ni,
Nang ading Na ciamteh in. – Robinson


I vakthap nop hun ciangin Pasian in hong huainopna lian tektek cih i theithei hi.

THANEEM

March 13
Nili


THANEEM

SIMDING:
Isaiah 40:27-31; 41:10

Amah in mi thaneemte thapia-a, a zawngkhalte hatsak hi.––Isaiah 40:29

KUMTAWN LAI SIANGTHO:

Thuhilhkikna 20-22
Mark 13:21-37

October 2012 sungin US gam nisuahna lam ah huihpi nasia takin nungin, tuikhang ziahziah-in na tampi kisia hi. Huih nun sawng tengin, mi 8,000,000 bang in mei ngahlo-in om thapai uh hi. Tua bangin mei ngahlo ahih manin an kihuan theilo-a, tui zong hoih tak kingah nawnlo-in kizop kikawmna zong hong nawngkai mahmah hi. Mun tampite ah huih mutpaihna hangin kisia, tui in vuknelh, sehnel tawh kidim  cih bangin omziazua hi. Tua amu thuthang kante in hibangin ci uh hi: “Mei pailo nuntakna tulza tampi” ci-in gelh uh hi.
 

    Huihpi nawkpaih zah bangin i nuntakna zong mei taanglo-in, khuazing sung om tawh i kibang theizel hi. Tua bang hun ciangin Pasian’ kammal in: “Amah in a zawngkhalte tungah thahatna pia-a, thazawmte’ tha khauhsak hi” (Isa. 40:29).
 

   I lung a kiat dikdek laitak, huhna nget ding i kisap laitak hunin, Topa tungah i muanna le i lam-etnate koih-in tha la ding hihang. Amah in nisim le hunsim-in, “Topa a muang mite a tha uh dim tawntung dinga; muvanlai bangin kha tawh lengin, atai uh hangin tawl ngeilo dinga, lam a pai uh hangin bah ngei nawnlo ding hi” (tg. 31).
 

    Pasian pen nuntakna huihpi sungah i kha thahatna bulpi ahi hi. – David McCasland
 

Tanglai-a a lianbel Topa,
Nungciang a lawpna hi;
Gimna thuak ciang hong keempha in,
Na inn ah hong kha in. – Watts

Huihpi in bukna muanhuai i neihlam hong kilangsak hi.

NUNTAKZIA DING

March 12
Nilai ni

NUNTAKZIA DING

SIMDING:
Matthai 7:7-12

Tua ahih manin note tungah hong kibawl ding na deih bangun midangte tungah na bawl un.
––Matthai 7:12

KUMTAWN LAI SIANGTHO:
Thuhilhkikna 17-19
Mark 13:1-20

Thuhilhna bulpi i kan tak ciangin – midangte in nang tungah hih ding na ut bangin nang zong hih in – cih hi-a biakna dangdangte ah zong tua bang tekmah ahi hi. Jesuh’ thuhilhna bangci bangin lamdang deuhse hiam? 

    A tumdangna pen “tua ahih manin” cih laimal hang ahi hi. Tua in vantung aa Pa’ hong hehpihna hong kilangsak hi. Jesuh in: “Note mihoihlo hinapi-in na tate uh tungah na hoih piak ding ngaihsun thei na hih uhleh vantungah a om na Pa un a ngente tungah na hoihte hong piazaw mahmah ding hilo ahi hiam? Tua ahih manin note tungah hong kibawl ding na deih bangun midangte tungah na bawl un” (Matt. 7:11-12).
 

   Eite in i hihzawhna ciang bek tawh i lungkim kha hi: Pasian’ itna zah-in it zolo hihang. Jesuh in mite a it tak ciang a nuntakna bek tawh hilo-in, a nuntakna pia-in it laizen hi.
 

    Eite in hong it, hong pia nuam Pa khat i nei-a, Ama’ itna eite in a bucing takin i ngah theih nading hong kipia lai hi. Ei’ tungah hong kibawl ding i lunggulh zahmah, midangte tungah a semzo ding lungsim zong Pasian in hong guan lai hi. Topa Pasian in hong it masa ahih manin (1 John 4:19), eite khat le khat ki-it in, itna i kihawm sawn thei hi.
 

   Vantung aa i Pa in a thu bangin zuih ding hong deih a, tua bang i neihzawh nadingin a vangliatna le itna eite hong guan hi. Eite in ama tungah nget ding bek ahi hi. – David Roper

Vantung Pasian, nang bangin lungsau zolo, itna neizo kei ung. Ka nisim nuntakna ah a neu pen ka sepna uhah zong na itnate hong hawmkhiasak thei ta in. Jesuh’ min tawh kong ngen hi.

Tua thukhamte i theihna khuak sungah i koih khina; tu-in i nuntakna tawh zui taktak ta ni. – E. Markham

A GINGKHIA LO LAIKUNG

March 11
Ninih

A GINGKHIA LO LAIKUNG 


SIMDING:
James 3:1-12

Kilemna a piangsak mite in lungnuam akin a tuh khaici in hoihna le dikna a piangsak hi.
___James 3:18

KUMTAWN LAI SIANGTHO:

Thuhilhkikna 14-16
Mark 12:28-44

American Kumpi sem ngei Harry  Truman in hih bangin thukhun nei hi: Hehna tawh a gelh laikhakte a sabuai tungah nai 24 sung vilvel koihphot hi.  A lungsim a daih pian aa khak ding kilawm hi, ci-in a ngaihsut ciangin tua laikhak khak pan hi. A nuntakna a bei khit ciangin, ama’ dangbawm (drawer) sungah tua banga lai kikhaklo tampi omhi, kici hi.
 

    Tulai nuntakna tawh ngaihsun lehang tua bang hehna pen minutes 24 sungin a daisak nuam tampi omkha ding hi. James in a laikhakna sungah leitungah leii kizatna hangin siatna lianpi tampi a pianna na pulaakkhia hi. “Kuamah in a leii kemzo kei” ci-in gelh hi. “Tua in gitlohna tawh kidimin, gu bangin khauh hi” (3:8) zong ci hi.
 

    Mi i gensiat ciang ahih keileh i heh ciang, Pasian’ hong deihna lampi panin a pial ihihna i kitheih ding thupi hi. I leii, i laikung, i computer keyboardte mahmah zong Pasian’ hong piak lungdamna a khaktan kha ahih ding kingaihsun ding hihang. I paukhiat ciangin picinna neilo mihingte ihih manin i thanemna bekbek i kimu-a, i kigensia tek hi.
 

    Khris in na lianpi hong sepna amu ding i hanciam ciang, thu dang ngaihsun masa lo-in i leii mahmah kemcing masa dih ni. Nang  na kep keileh, midang in hong keppih tuanlo ding hi. Nang pahtawi maw, gensia? – Randy Kilgore

Topa hong huh in, midangte a susia ding hilozaw-in a thapia ding hong hithei sak in. Mite’ hoihna hong musiamsak inla,tua bang ka sep uh ciangin nangma nasem-in na gam a taangzai sakte hong hisak den ta in.

Amuk cingzo-in, aleii a kikemzote a nuntakna lauhuaina pan a kikemzo ahi hi. --Paunak 21:23

March 9 2014 Church Program

Bulletin March 9 2014 

Audio files

Photo
Lai Siangtho thusinna ( I Samuel 1:26-28 ) ~ Honorary Pastor

Siampi thungetna ~ Rev. Khai Za Dal


Biakinn Fundraising Report (USA) ~ Asst. Pastor Zen Dot Mang

Biakinn sumpi donna leh apna ~ Church Pastor

SAP Thugenna tom ~ Sm Biak Sung

Phatna La ~ Pau Lun

Sumpi apna (Doxology) ~ Nu Sui Hlei Tial
_______________________________________________________________________
Sharing
His Glory Appears
Translated by Sya ZKKhaino (TBC-Y)

"Hong Taang Hi Na Vanglian"
Lasa: Dim Boih (TBC-Y)

NANG AA HISAK IN

March 10
Nipi Khuavak

NANG AA HISAK IN

SIMDING:
2 Khang Tangthu 24:1-2, 15-22

Kha Siangtho’ makaihna bek-ah pai unla, leitung cilesa’ deihna zui kei un. –Late 25:5

KUMTAWN LAI SIANGTHO:

Thuhilhkikna 11-13
Mark 12:1-27

Tapidaw sang khat ah sya khat le makai khat ka sep sungin, kum sawm gual naupangte tawh omkhop nuam ka sa mahmah a, amaute nuntakna a makaih ding, siangtho nuntak neih ding – Pasian itna le midangte itna neih ding ka hilh tawntung hi. Ka hilhnopna a bulpi in Pasian ading koici bang nuntak ding cih hizaw hi. Tua bang a pian nadingin zong amaute in Kha Siangtho’ huhna tawh a nuntak leh hithei bek ding, cih ka thei hi. Tua bang thu hilhna a mang nuamlo naupangte ahih leh amau’ hoihsak bangin omin syate le nulepa thuhilhna zong thupi salo lel uh hi.
  

  Hih pen Kumpi Joash le Jehoiada tangthu sungah kimu thei hi. Jehoiada pen mipil hi-a Pasian kihtak ding Joash tungah gen den hi (2 Khang. 24:11,14).
 

   Tua hinapi’n Joash in tua bang nuntakna na mang nuamlo citciat hi. Jehoiada a sihkhit ciangin Joash kumpipa in “Pasian’ Innpi taisan hi” (tg. 18) kici hi. Milim biak hong kipanta hi. Anuntakna kikhel-in hong tatsia mahmah a, Jehoiada’ tapa zong that lailai hi (tg. 20-22).
 

    I nuntakna ah hong makaih ding, upna thu hong hilh ding i neih pen ahoih mahmah thu ahi hi. Tua bang ciang bek tawh zong lungkim omtuan nailo-a, ei mahmah in Pasian tung le Kha Siangtho’ hong makaihna tung ah i kingak ding thupi zawkan lai hi (Gal. 5:16). Upna pen eima’ neihsa suaksak ni.

Topa, Nangma’ deihna lampi hong lak thei mite nong piak manin ka lungdam hi. Amau tungah ka kingak khakloh nadingin zong hong hehpih lai inla – Na Kha Siangtho panpihna bek ka kisaplam hong telsak in.

Midangte’ upna in tha hong guan-a; ei’ upna in nuntakna hong kikhelsak hi.

PUANSILH IN KHEM

March 9
Nipi ni


PUANSILH IN KHEM

SIMDING:
2 Peter 2:1-3, 12-19


Kamsang zuaute na kidawm un, amaute pen a kihtak huai keivomte hi uha, tuumul silh-in hong pai ding uh hi._Matthai 7:15

KUMTAWN LAI SIANGTHO:

Gamlakvakna 8-10
Mark 11:19-33

Utah mualtung tengah bicycle tuangin a om laitak, Coty Creighton in adangte tawh a kibanglo keel khat galmuh hi. A kiangnai ah va en phei-in a omleh, tua keel asak pen mihing hi-in keel tawh kibanga puansilh na hizaw hi. Tua pa tungah thu a kidot ciangin amah pen sabeng dinga kithawina puansilh a bawl khat na hi citciat a, kisinna-in a silh ahihlam gen hi.
 

    Jesuh in: “Kamsang zuaute na kidawm un, amaute pen a kihtak huai keivomte hi uha, tuumul silh-in hong pai ding uh hi” (Matt. 7:15) ci hi. Sia maanlote in Kha Siangtho’ gah gahlo uh hi (Gal. 5:22-23). Amaute pen “cilesa’ deihna bangin gamta uha... thuhilhna ngailo uh hi” (2 Peter 2:10). Amaute pen hangsanin, amau’ thubek thu sa uha, huaiham lai uh hi (tg. 10,14). Amau’ deihna bekin gamta uha, mite lamkhialsak uh hi (tg. 3). Lai Siangtho in tua bang makaite pen siatna lam manawh-in ngaihsun a, thungaihsun lo, thu ginalo ngaihsunte bek in pawlpih ding ci-in gen hi (tg. 1-2).
 

    Tuucing hoih Jesuh in ama’ ading bek enlo-in, a nuntakna hong kipia hi. Pasian in ahoihlo thuhilhna a neite khemsa aa om ding hong phallo hi.  Eite hong khem thei thuhilhna khempeuh theitel-in, amah i zuih ding hong deih hi – Amah eite zuih ding tuucing hoih ahi hi.–Jennifer Benson Schuldt

Jesuh a min sungah
Khuk khempeuh khuk dinin;
Kam khempeuh in
Ama’ minthanna phat ding uh hi. – Noel 


Na khempeuh aih zelzel theih hinapi, Khris bekmah hi tawntung hi.