KITUAT LO

April 5
Kigin ni

KITUAT LO

SIMDING:
Matthai 20:1-16

A nunungte masa dinga, a masate nunung ding hi.___Matthai 20:16


KUMTAWN LAI SIANGTHO:
1 Samuel 1-3
Luka 8:26-56

Laphuak siam Wolfgang Amadeus Mozart leh Antonio Salieri te’ nuntakna siksan a kiphuak ‘Amadeus’ cih limlah (play) minthang khat om hi. Kum zalom 18 lai a kiphuak tua limlahna sungah, Pasian’ lungsim theih ding a hanciam laphuak Antonio Salieri in music siamding hanciam lo-in a tulngeilo ding la (music) khat phuah ding a hanciam hizaw hi. Antonio lametna tawh kilehbulh takin Pasian in a naupang vai phengpheng Wolfgang Amadeus Mozart pen minthang sak zaw hi.
    

Amadeus limlah (play) phuakpa in a kilawmlo khat a minthan pen dik salo a, Job laigelh pa in Pasian in thuman mikhat gim a piak pen lem salo hi.
   

 Jesuh’ thugentehna sungah zong vai ciah kuan a, hong tung nasem pa leh sun tawntung a sem pa, a thaman a kikim ciangin lungkim lohna om hi (Mat 20:6-7).  Nai khat leh Nai 12 nasep thaman a kikimsak mihau pa’n nitha bangci tuat a hitam?
   

 Jesuh’ gen pen mihaute tuat bang a sum mal tawh kituat thaman hilo a, hehpihna tawh kituat letsong nam ahi hi. Pasian in thaman hawmkhia lo a, letsong hawmkhia zaw hi.– Philip Yancey
 

Itna, hehpihna le maisakna,
Thalawh theih a hihloh lam ka phawk kei zel hi.
Thaman a hilo, hehpihna letsong lianpi
Nong piak Lungdam mahmah ing Topa.

Hehpihna huam sungah, ‘kilawmlo’ cih kammal kizang lo hi.

SATHAU A OM HIAM?

April 4
Ninga

SATHAU A OM HIAM?

SIMDING:
Late 5

Topa aw zingsangin ka aw nong za a, zingsangin nang ma adingin biakna bawlin kong ngak hi. –Late 5:3

KUMTAWN LAI SIANGTHO: 

Ruth 1-4
Luka 8:1-25

Ka tanu mawtaw-hawlzia ka hilh ciangin mawtaw-kepcing zia zong tawm ka hilh hi. Mawtaw setah sathaute om maw omlo cih sittel ding ka hilh hi. Kei kamzat pen, “Engine sangin sathau tawm man zaw,” cih hi. Engine khat na khek ding sangin mantakin sathau thunzaw leteh kimet zaw ding hi.


    Tua bang mahin i kha nuntakna zong kepcing ding kisam hi. I cidam lai mah-in cidam nading kihanciam theibek hi. Nisim in Lai Siangtho simin, thungen in Pasian thu lungngai leng kha thakiam ngeilo ding hi. David in la na phuak a, “Topa aw zingsangin ka aw nong za a, zingsangin nang ma ading in biakna bawl in kong ngak hi” (Late 5:3), na ci hi. Simsuak lai lehang, a lungsim tawng tawh Pasian a phatna, a thungetna leh Pasian kiangah a thumnate kimu thei hi.
 

    Zing tho in email simphot lo-in, thuthang laihawm tuamtuam peuh simpah lo in zing kiallap na nekma-in Pasian’ kammal simin Pasian tawh daitakin hun lakna pen mitampi tawh a kilawm nuntakzia khat hi. Pawlkhat in bel thunget hun leh Lai Siangtho sim hun tuamlak hi.
    Nisim i nuntakna lampi ah i lungtang sungah Ama ompihna hong kilat ding thungen den ni. Tua pen Kha kepcingna a hihi. – David McCasland
 

Nisim in na kammalte a lungngai dingin,
Utna lungsim hong guan in.
Na thuman tawh kipelhlo in,
Ka nuntak nangin, Hong vak in la hong hilh in.

Pasian’ kammal le thunget tawh a kiphut nuntakna kip tawntung hi.

MIN A KHIATNA?

April 3
Nili

MIN A KHIATNA?

SIMDING:
Johan 1:35-42

Nang pen suangneu a cih nopna Peter na hihi. Hih suangpi tungah ka pawlpi ka lam ding hi. __Matthai 16:18

KUMTAWN LAI SIANGTHO: 

Thukhente 19-21
Luka 7:31-50

Ka lawm khatin a ta a suah ciangin a gol ciang a, a sim ding ci-in lai khat gelh a, “Ka ta aw, na Sen min pen Xin Xuan hi. Xin cih ciangin thumanna, cihtakna leh, lungkim theihna hi a, Xuan in khuavak le khualum a cih nopna hi,” ci hi.


    Jesuh in Simon pen Peter/Cephas (Johan 1:42) ci-in a min a laihsak pen ciimphawnna hilo hi. Peter cih pen suang a cihna hi napi in A min bangin Peter zong na picing pah samlo hi. Lungsim manlang in a kihei vatvat thei ngabeng pa Peter pen Jesuh tawh a thu-uh kituaklo in (Matt 16:22-23), mikhat namtem tawh vat a (Johan18:10-11), Jesuh nangawn thei keng ci-in nial lai hi (Johan 18:15-27). Ahi zongin Sawltak sung i sim ciangin Pasian in Peter tungtawnin a pawlpi na phut in ‘Suang’ na suakta hi.


    Nang zong Peter bangin Jesuh nungzui na hih leh pianzia a thak a nei na hihi. Sawltak 11:26 ah Antioch a om nungzuite pen Khristian na kici hi. Khristian cih pen Khris neute cihna hi a, nang zong Khris neu khat na hita hi. Hih min in hong lamto ding a, a min khiatna dong hong tung pihto ding hi. Pasian thuman mahmah a hih manin hong sem hamtang ding hi.– Poh Fang Chia
 

Pasian aw, ‘Ta’ ci a nong sap,
Lungdam mahmah ung.
Ko sung leh Ko tawn in na hong sem inla,
Jesuh Khris’ hihna hong telzo sak lai-in TOPA.

Pasian pen ‘Pa’ ci-in a tate bangin i gamtat ciangin Amah a pahtawi i hihi.

LAWM NA NEIZO HI

April 2
Nilai

LAWM NA NEIZO HI

SIMDING:
Late 23

Jesuh in “Note lawm ka hong ci zaw ding hi,” ci hi. __Johan 15:15

KUMTAWN LAI SIANGTHO:
Thukhente 16:18
Luka 7:1-30

Tangpi kizopna (Social media) in a kilehbulh takin hong khattang (lonely) sak zaw hi. Online thusuak khat ah, “Kikholhpih lawm sangin online lawm (facebook) a thupisak zawte pen khattang zawin zong lungkia baih zaw,” ci hi.
 

   I lungkhamna vangikpite hong theihpih, hong telpih leh hong awlmawhpih mi khat peuh a omkha diam ci-in tuhun pilna (IT) zangin facebook khawngah i kan simsim a, kua mah in hong theihpih khollo na hizaw hi. Ahi zongin Khazih a um mite in khamuanna i nei hi. Tua pen laphuakpa in, “Khuamial thukpi sung nangawn ka nawk hangin ka lau kei hi. Bang hang hiam cih leh kei tawh nong om khawm a, na molhtum leh na ciangkhut in kei hong lungmuang sak hi (Late23:4),” na ci hi.
 

   Ei le ei’ kibawlin i khattang a, i ngeina hang lehi supna tuamtuam hangin i lungneu zongin ei lungtang hong cingpa Jesuh ah i tawlnga thei hi. Lawm hoih “Jesuh” na nei zo hi. –Bill Crowder

Kei in lawm hoih khat ka nei hi,
Ka theihma in hong it hi.
Ki itna khau tawh hong kai hi,
Amah tawh hong khih khawm hi.

Jesuh tawh a kilawmta mi peuhmah Khattang ngeilo hi.

PIAKKHONG MEHTHUK

April 1
Ninih Ni

PIAKKHONG MEHTHUK

SIMDING:
Paikhiatna 35:20-29

Piaknopna lungsim a nei mi peuhmah hong pai tawm uha, kikhopna buk le a nasepna ding khempeuh le puan siangthote a zat dingin Topa ading a piakte uh hon gpuak uh hi.__Pai 35:12

KUMTAWN LAI SIANGTHO:

Thukhente 13-15
Luka 6:27-49
Neektheih van nengneng lei-in ka mawtaw tungah ka guan kawmin ka khuadak leh, mehthuk a limci mahmah a san sesa pawlkhat a mawtaw tungah a guanguang nupi khat ka mu hi. Tawmvei khit ciangin tua nu hopihin, “Mehthukte limci ngel ei,” ka va cih leh, “Tukum gahpha peuhmah e. Na deih leh hong hawm veng e,” hong cih ciangin ka nialkei lel hi. Phaltak-a hong piak, lamdang ka sa a, a mel-et bangin mehthukte zong limthei mahmah hi.
 

    Hih bang piaknopna lungsim pen Israel mite in kikhopna buk lamna ding a piakkhiatna uah kimu thei hi. “Piaknopna lungsim a nei mi peuhmah hong pai tawm uh a, kikhopna buk leh a nasepna ding khempeuh le puan siangthote-a zat dingin TOPA  ading a piakte uh hong puak uh hi. (Pai 35:21)” Israelte in kham tawh a kibawl van namkim, a hun uh le a siamnate uh piaknopna lungsim takpi tawh piakhia uh hi (tg. 22-25).
 

    Eite zong Israelte etteh in piakhia tek lehang Pasian lungkim in hong sang ding hi. Lungsim leh lungtang hong mu Pasian in lungsimtak-a piakkhiat ding hong kal hi. Tua mah bangin a mah in hong piakhia masa hi (Johan 3:16).__Jennifer Benson Schuldt

Kei ading nong kipiak bangin,
Lungsim takpi kong piakzawh nangin,
Nang kong pahtawi zawh nangin,
 Jesuh aw hong huh in.

“Bang zah piakhia” cih sangin “bangzah tak piakhia nuam” cih lungtang thupi zaw hi.

30 March, 2014 Program

Thuzaksakna March 30, 2014


Audio : Bible Study, Sermon, etc


Photo
§  Lai Siangtho thusinna ( Late 71:17-18)  ~ Asst. Pastor Zen Dot Mang

§  Siampi thungetna~ Rev. Dr. Nang Sawm Piang



§  Nau-apna leh Pawlsung sanna~ Church Pastor

§  Biakinn sumpi donna leh  apna ~ Dr. Nang Kap Thang

§  Phatna La/Action Song/Drama~ CED Camp

§  Phatna La/Action Song/Drama~ CED Camp

§  Phatna La/Action Song/Drama~ CED Camp

§  Phatna La/Action Song/Drama~ CED Camp

§  Phatna La/Action Song/Drama~ CED Camp

§  Phatna La/Action Song/Drama~ CED Camp

§  Phatna La/Action Song/Drama~ CED Camp

§  Phatna La/Action Song/Drama~ CED Camp

§  Phatna La/Action Song/Drama~ CED Camp

§  Phatna La/Action Song/Drama~ CED Camp

§  Phatna La/Action Song/Drama~ CED Camp

§  YD Camp thugenna tom leh Sumpi donna        ~ Youth Pastor


§  Nipi Sumpi donna leh apna ~ Lia Lian Lam Kim

§  Thuzaksakna  ~ Hun uk 

§  Lapawl   ~ Church Choir

Hanthotna:  “Huamkim itna” by Associate Pastor

THAWL SUNGA TUI

March 31
Nipi Khuavak

THAWL SUNGA TUI

SIMDING:
Rom 5:12-21

Mi khat’ diktatna hangin mi khempeuh tungah a khawnkhong-in thupha hong luang hi.__Rom 5:18

KUMTAWN LAI SIANGTHO:

Thukhente 11-12
Luka 6:1-26

USA gam-ah kum tampi sung thawl sunga kikoih tui kizangta hi. Tui pen kumpi in a siang le a kicingin hong piaksa hi napi’n, mi tampi takte in thawl tawh a kikoih tuite mah lei tanghtangh uh hi. Sum tawh lei ding ka ngaploh banglo-in, American mite in a khong aa kipia tuite dawn nuamlo-in lei tanghtangh uha tua pen siangzaw dingin ngaihsun uh hi.
 

   Tua pen i kha nuntakna ah zong i zangkha mawkmawk  hi. Pawl khat in gupkhiatna a khong ahih lam thei napi hanciam tanghtangh sawm uh hi. Sepna tawh ngahsawm veve uh hi. Ahi zongin tua pen kuamah in va thalawh theilo uh hi. Tua gupkhiatna ngahna ding picinna kisam hi (Matt. 19:21), Jesuh bek in tua tangsapna kicingsak zo hi (Rom. 5:18). A dangtak khempeuh tungah Jesuh in “nuntakna tui a khawnkhong-in hong pia hi” (Mang. 21:6).
  

  Mi pawlkhatte in gupkhiatna tui ngahna dingin gamtat hoihna le piakkhiatna tawh lei sawm uh hi. Gamtatna in Kha Siangtho nasepna himah napi’n, i mawhna a mai nadingin a kisam hilo hi. Jesuh in eite taangin sihna hong thuakna tawh gupkhiatna hong thalawhsak a, a kang ngeilo ding Pasian’ hong piak nuntakna tui a khong aa dawnna tawh i kha dangkeuna khempeuh hong kamh sak hi.–Julie Ackerman Link

Jesuh pen a nungta tui hi-a –
Tui tak khat tawh zong damna i ngah hi;
Tua tui nisim-in ka dawn nuam a
Ka kha zong hong tawldam sak hi. – D. DeHaan

Jesuh bek in a dangtak i kha tui hong pia thei hi.

THUPHA NGAHTE

March 30
Nipi Ni

THUPHA NGAHTE

SIMDING:
Matthai 5:1-10

Lungneem mite thupha ngah mi hi uha, leitung aluah ding uh hi.___Matthai 5:5

KUMTAWN LAI SIANGTHO:
Thukhente 9-10
Luka 5:17-39


Lungneemte a kicih ciangin a zawngkhalte ding peuh kisa ahih manin i tel dan manlo hi. Manglai ah bang suuksia zawlai-a akhiatna a kigenkik ciangin “thumang pahpah; thuhilh noplua; up le zuih kician neilo; ngaihsutna neilo” ci-in kigen hi. Tua ahih manin mi pawlkhatte in “A lungneem mite in Pasian’ ciamsa leitang ngah ding ahih manun thupha ngah ahi uh hi” (Matt. 5:5) ci-in Jesuh in a gen ciang dotna tampi nei uh hi.
    Lai Siangtho siam W.E. Vine in lungneemna cih pen “Pasian hong sawlna khat peuhpeuh hoih hi ci-in a thu manzawhna leh thuumna le nial hetlo-in  sepna hi” ci hi. Jesuh in A Pa Pasian’ sawl nasep a sep khak ciangin alungkim pen hi.
    Vine in “Jesuh’ gen lungneemna pen Kha Siangtho’ tha tawh a kingah vangliatna hi... Topa pen ‘lungneem’ hi i cih theih nadingin  Pasian’ kiang pan vangliatna a ngah man ahi hi” ci hi. Singlamteh tungah a kikhai ma-in vantung mite kiangah huhna ngen nuam leh a huh ding om dimdem uh hi.
    Jesuh in agim atawl nungzuite kiangah, “Keima’ hakkol zamin kisuan unla, kei kiangah hong kisin dih un. Kei pen kiniamkhiatin neem hit-hiat ka hih manin ka kiangah na tawl uh a dam ding hi” (Matt. 11:29) ci hi. Amah pen lungneemna hong pia, a etteh huai Pa ahi hi.
     Bah le gui-in i om laitak, Jesuh in amah muanna hanga kingah lungnopna hong musak nuam hi. – David McCasland
Ka honpa kei’ tang ding hong si.
Bang hang hong it zen ahi tam?
Kalvary mual ah thumang takin zuan,
Bang dinga hong it peuhmah hi ding? – Harkness

Pasian in omna mun nih bek nei-a, khat pen vantung hi-in a dang pen a neem le alungdam thei lungtang sung hi. – Walton