BANG KISAM I HIAM?

June 7
Kigin ni

BANG KISAM I HIAM?

Simding:
Late 73:1-3, 21-28


Nang lo kong kisap dang kuamah hih leitung ah omlo hi. – Late 73:25

Kumtawn Lai Siangtho:
2 Khang Tangthu 28-29
John 17

Ka lawm Mary in biakinn aa kisa la khempeuh ka sakpih gai kei hi, ci-in hong gen ngei hi. Amah in, “‘Jesuh, Ka Lung sungah ka deih’ cih ka sak laitak, ka deih tampite hong phuul naainaai hi” ci hi. Thuman a gen a hihi.

    Late 73:25 ah Asaph in Pasian bek a deihna gena: “Nanglo adang leitung ah ka deih om kei” ci hi. Tua tawh a kipan bel hisamlo hi. Atuunglam-in akiim apaam aa om mite’ hauhna zong deihgawh a: “A kiphasakte ka eng hi” (tg. 3) ci hi. Pasian tawh a kinaizawk ciangin, tua bang ennate pen a haivaipi ahihna tel hi (tg. 21-22, 28).

    Pasian i theihkhit teek mahin, midangte’ neih le lam in i lungsim hong nawngkaisak hi. C.S.Lewis in, “I Topa in i lunggulhna a thakhauh ahihlam hong mulo-in, a thaneem ahihlam mu hi... Eite pen Ama sangin a thuneu zawte ah lungkim nuampah lua hihang” ci-in gelh hi.

    Pasian hong piak ding na hoih pan i lungsim hong heikhia pen bang hiam, ci-in na telsiam ta hiam? Midangte’ neihsa in hong ze-et zawh hangin, Topa in Amah i lunggulh ding lampi hong honsak den hi. Amah pen “Ka lungsim thahatna le keima aa hi tawntung ding hi” (tg. 26). – Anne Cetas

Topa, lungkimna taktak nang sung bek ah ka mu uh hi. 
Ahi zongin ka mihing’ deihna pen mawhna le thanemna tawh kidim hi. 
Nang tawh hong kinaisak inla, kote tawh nong omkhop lam hong tel theisak den in.

Pasian’ pilna zatui bangin na zat ciangin leitung natna pan na damsiang thei ding hi.

D-DAY

June 6
Ninga

D-DAY

Simding:
Joshua 24:2, 13-18


Tuni-in teel un… Kei le ka innkuan in Topa’ na ka sem ding uh hi. – Joshua 24:15

Kumtawn Lai Siangtho:
2 Khang Tangthu 25-27
John 16

Ka u Mary Ann kiangah ka teenna inn ah bang kumin ka kikhin ka hih lam uh, ka dong citciat hi. Amah in, “Nang pen kha kua pha pan. I nu le i pa’n inn aa vante tuun kawmkawmsa-in radio thuthang ngai uh. Tua ni pen June 6, 1944. Normandy galkapte hong sim hun laitak hi” ci-in hong dawngkik hi.

Tuni pen D-Day ii kum 70 cinni hi-a – sim dinga kigingsa gal sim ni ding ahi hi. Kum tampi sung hih D-Day pen khensatna ahih keileh nuntakna ah kiciamna thak lakna hun bangin kibawl hi.

Israel-te zong amakai Joshua in D-Day tawh a kibang khensatna neihpih hi. Amau luah ding gam a tun khit uh ciangin, Joshua in amaute a cing tawntung Topa tungah thuman ding hanthawn hi (Josh. 24). “Kua’ na sem ding cih tuni-in teel un” ci hi. “Kei le ka innkuan in, Topa’ na ka sem ding uh hi” (tg. 15).

Honpa’ nung i zuih ding i khensat ni aa kipan i nuntakna pen a thaka kipan i hihi. Ni khat khit ni khat, ama’ nung zui dingin kiciam toto ding hihang. – David McCasland

Topa, nisimin ‘awleh’ ka cih ding uh angtang huai mahmah hi. 
Nong it man, leh nong maisak manin ka lungdam hi. 
Ka teelna lampite ah hong makai inla, nang thuman takin hong zuisiam sak in.

Nuntakna ah na khensatna a lianpen in Jesuh tawh nasep khop ding a hihi.

MUHNA DIK

June 5
Laizing

MUHNA DIK

Simding:
Thuhilhkikna 32:7-12


A bu a vil…, a note tungah a kha a zap…, a khate zakin a note a kha tawh a pua muvanlai bangin  Topa bek mah in amaute makaih  hi.
– Thkna. 32:11-12

Kumtawn Lai Siangtho:
  2 Khang Tangthu 23-24
 John 15

Kha thum sung tawntung Pasian’ vangliatna khutma limtakin ka enkha hi. Norfolk ganhing khawina tung pi 90 a sanna mun-ah webcam khat kikoih-a, mupite’ innkuan tatzia teng online tung pan a ki-en thei dingin kikhahkhia uh hi.

A tui a kitap khit ciangin, mupite nupa in a suakthak atate ading an zonsak, galvilsak uh hi. Ni khat munote bangmah a cih theih nailo hunin, mupite nupa mang dildel uh hi. Tua munote tungah a lauhuai khat a tun ding ka patau hi.

Webcam zaihte in a gei-a sing tunga tuang anu in a cing gige hong lah ciangin ka lung hong nuamtuam hi.

Tua bang ahih pen webcam pan hong laklo hileh, Pasian’ hong ompihlam ka tel theihloh tawh hong kibang lel ding hi. Tua in, kei’ muhna a kiciangtan ahihlam ka tel hi. A buppi-in mulo-in tawmcik bek amu ka hihlam ka tel hi.

Moses in Pasian’ hihna a gen ciangin mupi tawh tehkak hi. Mupi in a tate a leenpih bangin Pasian in Amite cing hi (Thkna 32:11-12). Topa pen eite tawh a kigamla ding a bat hangin, gamla lo hi (Sawl. 17:27).  Eite hong kitaisan hi, ci-in i ngaihsut laitak nangawnin hih thu, dik tawntung hi. – Julie Akcerman Link

A khanuai-ah lungmuang takin ka oma,
Khuamial lua a, huihpi nak nun hangin;
A hong kep ding thei-in, Amah ka muanga,
Hong tanzo hi, Ama ta ka hikhin.- Cushing

Topa in hong cing gige ahih manin, i kiima lauhuainate i kihta kei hi.

INNKHAN LE SINGPEEK

June 4
Nilai ni

INNKHAN LE SINGPEEK

Simding:
John 14:1-11


Note ading innkhan ka va bawlkhol ding hi. John 14:2

Kumtawn Lai Siangtho:
  2 Khang Tangthu 21-22
 John 14

Tunung deuh England ka zin sungin, ka zi tawh Anne Hathaway’ inn ka va en uh hi. Tua inn pen tuma kum 400 lai-a kilam hi-a, William Shakespeare’ zi ii inn ahi hi.

Lam hong hilhpa in tua tenga akizang sabuai khat, hong telgen hi. Tua pen singpeekpi hi-a a langlam ah an kine-in, a langlam-ah meh nengnengte semna, atna-in nei uh hi. Mangkangte’ nuntakna ah tua bang singpeek a muh uh ciangin anneekna, khawlkhopna, thumanna, le vang-neihna-in ngaihsun uh hi. Inn sung khat ah Innkhan le Singpeek pen lupna le anneekna dingin kicing hi. Mun khatkhatte ah a kimawl uh ciangin (laithai kimawlna phadiak), gulo-khemlo ahihlam uh tua singpeek tungah a khut uh nga sak hi. Inn sungah inn papi pen sabuai laizang ah kitusak a amah pen lutangpi ahihna kithei thei hi.

Tua thu ka lungngaih ciangin Jesuh pen eite’ innkhan le singpeekpi ahihlam ka phawk hi. Amah pen eite’ kha gilvahna hi (Johan 6:35, 54); nuntak siang i neih theih nadingin tha hong guan hi (14:21); eite hong it Topa hi (Fil. 2:11); Amah in eite’ omna ding mun hong geelsak khol hi. Amah in: “Note’ omna ding mun ka va bawlkhol ding hi” (Johan 14:2) ci hi. Ama’ hehpihna in eite’ tawntung innkhan ding le singpeek ding hong geelkholhsak zo hi. – Dennis Fisher

Mawhna maisakna le a kip lungnopna,
Nong ompih lungdamna, lam Nong hilhna;
A nisim Nong kepna, mailam lungmuanna
A pha tampite Nangma thupha hi. – Chisholm 

Khris in tu-a i kisap le i kisap lai dingte hong sikh hi.

ATAWPNA PAN ETNA

June 3
Pithai

ATAWPNA PAN ETNA

Simding:
Thuhilhkikna 8:1-3, 11-16


Ama deihna bang a sem dingin Pasian in a hong sap, amah a it eite-a’ dingin na khem-peuh a hoihlamin piangsak hi, ci-in i thei hi.— Rom 8:28

Kumtawn Lai Siangtho:
 2 KhangTangthu19-20
 John 13:21-38
Tuma kum khat deuh lai-in, Richard LeMieux’ nasepna tuahsia hi. A sawtlo-in a hauhna teng kiam a, a lungkia mahmah hi. A tawpna ciangin, LeMieux in zu le sa ne-in, a innkuan zong taisan hi. Tua hun tak ciangin, inn zong nei nawnlo-in, a zi tawh kikhen, a niam pen dinmun tung hi. Tua hun laitak mah-in Topa kiang hong zuan thei veve hi. Tua tungtawnin laibu khat zong gelhkhia hi.

Israel mite zong Pasian in inn neilo-in gamlak ah a vakpihna, lam-et a beina, lauhuaina mun tengah a paipih tak ciangin muhkhiat tampi nei beh uh hi. Tua haksatna teng in kiniamkhiat sak thei hi (Thkna 8:1-18).

A kisap hun ciangin Pasian in pia hi, cih thei uh hi. A gil a kial uh ciangin, neek ding manna pia hi. A dang a keu uh ciangin, suangpi pan tui luangsak  hi. Pasian in haksatna kawmkal mah pan thupha a piak theih veve lam telsak hi (tg. 1).  A tawpna ah Israel mite in tua haksatna khempeuh pen Pasian’ taisanna ahih loh lam tel uh hi. Moses in sehnel gam sungah kum 40 sung tawntung, a makaih pipa pen Pasian bek ahihlam gen hi (tg. 2).

Lungkiat hun hong tun ciangin, haksatna tawh hong tonkhawm khalam thuciimte musiam ding hihang – eite tungah tuate hong piangsak pa in eite’ hoihna ding le Ama’ vangliatna ding ahihlam (Rom 8:28) musiam ding hihang. – Jennifer Benson Schuldt

Topa, a sia pen panin zong a hoih nong piak theih lam hong umzo sak in. 
Haksatna kawmkal panin nong muhsak nop thu hong telsak in.

Vantung muhna pan en lehang, kitel muh pen hi.

June 1, 2014 Church Program

https://blogger.googleusercontent.com/img/b/R29vZ2xl/AVvXsEgjiRQhkNwjFFufu1p_6K1kP3HfT2aHYKUXIScMw1TvfbOGoZDK57RbGvFkD6j8XijakbCVbDo_nlZMFdZx5vZ9SCnKAY4ntQtr0DmgPWPZw9uUHlIq1Ep5mgv3FLF8Kw-tn9gllfVEskE/s1600/June+1,+2014+Bulletin.JPG
June 1, 2014 Bulletin
Lai Siangtho sinna(Paunak 22;6)~Honorary Pastor Rev. Khoi Lam Thang

June 1, 2014 Church Audio File


Sumpi apna(Doxology)~ Upa Tual Za Mang , Treasurer


Hun uk~ Associate Pastor Rev. Cin Sian Pau

''KHAZIH LEH MIMAL ADING'' by
Rev. Dr. S. Pau Kan En , 
Church Pastor 

Summer Music Trainnes, (violin) te Amazing Grace tum laitak

Amazing Grace backgroud music tum laitak,
Violin hong hilh Sya Barsogay, Singer & Violist



Khangno hun, June 1, 2014 



Kum (1) a nih vei nei , a nih veina Leadership training June 1, 2014 ni-in Syapi Thang Suan Dal(reitred) te inn ah kibawl thei hi. Khangno mimal (45) kim kipha a, Rev. Dr. Nang Sawm Piang in training hong pia hi. Biakinn pan a pai ma in, Htaukkyant ah om War cemetery ah excursion zong ki pai thei hi.
War cemetery mai ah, Syapa leh nungak taangval pawl khat
Rev.Dr.NSPIANG, Kikim(secretary), Kimnu, Dimno, Langh


Chairman hong hih sak Lia Niang Theih Kim, Ec member


Secretary thugen laitak

Youth Pastor Sya AI Lian Pau thugen laitak

Khangno makai lui khat ahi U Tuangpi zong ki hel thei..

Inntek te muakna

Training hong pai Rev. Dr. Nang Sawm Piang

KIDAWM TAK PAI

June 2
Pizing

KIDAWM TAK PAI

Simding:
Efesa 5:1-17


Tua ahih ciangin hoihtakin kingaih-sunin gamta un la, mihaite bang hiloin mipilte bangin gamta un.
-- Efesa 5:15

Kumtawn Lai Siangtho:
 2 Khang Tangthu 17-18
 John 13:1-20

Jamaica gam Ocho Rios tuizeu pen ka painop penpenna mun khat hicitciat hi. Suang kiciangte tungah tuite luangsuk zuazua-in Caribbean tuipi dong tungsuk hi. Mipil thukan-te tua suang tung tengah kahto uha, a dawn a tun dong kah uh hi. A kah laitakin tui luang, suang naal, suang hiam cihte in a kalsuanna uh haksa sakin lauhuaisak peuhmah hi.

A dawn dong a tuntoh nadingun, a sikna mun uh limtak en gige uh hi. A kidawmlo bang hizenzen leh, kia ding uh hi. A sikna ding mun limtakin en gige uh hi.

Tua ka ngaihsut ciangin Paul in Efesa pawlpi mite tungah “ngaihsun-in gamta un” (Efesa 5:15) ci-in a vaikhak ka phawk hi. Nuntakna ah kidawm taka kalsuan ding, cihna hi.  Lamto lam haksa kah-in i om ciang, Jesuh tawh kalsuan khawmin kidawm aa, i pai ding thupi hi. Mihaite’n ngaihsut neilo-in gamta uha; mipilte ahihleh amau’ khekhap limtakin ngaihsun uh ahih manin lamkhial lo hi, cih thu kihilhnate zong i za den hi.

A siangtho nuntakna lamah i kalsuan ciang, Paul in “itna sungah limtakin i pai hi” (tg. 2,15) ci hi. Kha Siangtho’ makaihna tawh, Pasian’ min a thangsak thei nuntakna lampi i zui hi. – Dave Branon

A tawntungin, i kisam
Kidawmin kalsuan ding,
I kampau khiatna tungtawnin,
Jesuh’ maitang i muh ding kisam – Anon
.

Pasian tungah lungsim tak tawh kinga peuh lehang,
i kalsuanna lampi man ding hi.

A NUNGKIK LO GANHINGTE

June 1
Nipi ni

A NUNGKIK LO GANHINGTE

SIMDING:
Filippi 3:12-17


A beisa thute mangngilh bawlin mainawtin ka han-ciam a, Khris Jesuh nasepna tawh van-tung nuntakna ah Pasian’ hongsapna ahi hamphatna ka ngah theih nading-in, kung lam zuanin tangtakin ka tai hi
– Filippi 3:13-14

KUMTAWN LAI SIANGTHO:
 2KhangTangthu15-16
John 12:27-50

Australia gama kimu thei ganhingte lakah sa-ipnei le emus-te in kibatna khat nei uh hi. Amau pen nungkin theilo uh hi. Sa-ipneite pen a pumpi kilamzia mahmah zong a mei uh sau-in, amailam ah diang thei bekin, nung lehheek theilo uh hi. Emus-te zong a khe uh tawh manlang takin tai thei uha, a khuk uh pen nungkik nading ah kizang theilo hi. Australia mite in tua ganhing tegel minam ciaptehna-in zang uha, a deihna pen mainawt ding le khangto semsem ding cihna ahi hi.

Paul in Filippi khua mite tungah: “A beisa thute mangngilh bawlin mainawtin ka hanciam a, Khris Jesuh nasepna tawh vantung nuntakna ah Pasian’ hong sapna ahi hamphatna ka ngah theih nadingin, kung lam zuanin tangtakin ka tai hi” (3:13-14) ci hi.

A beisa hunte sung pan pilna i lak ding tampi oma, tua hunte sungah om ding piang theilo hi. A beisa hunte pen lakkik theih hun hilo a, Pasian’ itna hangin mailam a nawt ding le, tuhun le hong pailai ding hunte ah Topa’ na i thaneihzah aa sep ding ahi hi. Upna tawh nuntakna pen mainawt nuntakna hi-a, Khris tawh a kisun semsem ding i hihi. – Bill Crowder

A sangna lam ka kahto hi,
Nisim a thak ka tungto hi;
Kahto kawm kong thumlai Topa
Hong suanto in a sangzaw ah.— Oatman


Mainawt ding hi peuhleh, koikoi ah ka pai ding hi.