DINMUN HOIH PEN

January 4
 Kigin ni

DINMUN HOIH PEN

SIMDING:
Filippi 1:3-14

Kei’ tungah a piang thu in lungdamna thu a khangsak zaw ahihna na theih dingun ka deih hi. ___Filippi 1:12


KUMTAWN LAI SIANGTHO:
Piancil 10-12
Matthai 4

Leitung Galpi khatna lai-in Marne a kicihna mun gal maitang ah gallel a nungkik French te-in galnang ding a, a koih galkap ulian Lieutenant General Ferdinand Foch in a phualpi ah lai tawh thupuak a, “Ka giahphual khahsuah dek ta ing. Ka septheih zong a beibei hita. Tua lobuang thusia om kei, gal mah na simsim lai ing,” ci hi.


    Nuntak galsimna ah zong innkuan kithutuah lohna, sumlepaai haksatna leh, cidamlohnate hangin i nuntakna pen a sialam in kimu thei hi. Ei thu-um mite in tua bang haksa dinmunte nangawn, “Dihmun Hoih pen,” i cih theih ding kisam hi.


    Paul nuntakna en lehang. Pasian thugenna hangin a kimat hun ciang nangawnin lametna tawh nungta hi. Filippi Pawlpi laikhak a, “Kei tungah a piang thu in lungdamna thu a khangsak zaw ahihna thu na theih dingun ka deih hi” (Filippi 1:12) na cizo lai hi.


    Paul in a thongkiatna pen Rome kumpite tungah Pasian thugen theihna ding dinmun hoih khat in na mu hi. Tua banah thu ummi a dangte in zong lungdamna thu tangko ding hansanna in neizaw uh hi (tg. 13-14). 


    Rom 8:28 sungah a gen bangin i haksatnate pen Pasian in ei ading in ‘dinmun hoihpen’ in hong kheksak thei hi. Hih thu bek tawh zong i Pasian, pahtawi tak hi.  – Dennis Fisher


    Hong nem in Topa, simlei nunham sungah,
        Lungkia guallel dek zel ung e, Topa,
    Gual in engdi’n hong huh aw,
        Na hoihna leh na hehnepna tawh.


Haksatna pen gualzawhna ding a Pasian lampi ahi hi.

KHA SIANGTHO’ HUHNA

January 3
 Ninga ni

KHA SIANGTHO’ HUHNA

SIMDING:
Mikah 6:3-8

Topa in note tung panin hong kalh thu in; thuman thute sem ding a, itna kip tawntungin kiniam khiatna tawh Pasian’ thu man ding a hi hi.___Mikah 6:8

KUMTAWN LAI SIANGTHO:

Isaiah 20-22
Efesa 6

Kumthak hong tun simin sum zat kidawm ning, cidamna ding hamciam zaw  ning, online tutu kei ning cih bang in ei le ei kiciamna thak i bawl theizel hi. Lungsim thak tawh kumthak dawn napi hang in zongsatna luite in hong ze-et in tuate i zokei a, a ngei bangin i ngeikik zel hi. I hih ngeingei teng mah, tawmtawmin hihkikin tua ciangin hih mun zawdeuh in a tawpna ah a ngei mah i bang zel hi.


    Ei le ei tua bangin i hanciam sangin, “Pasian in kei bang dingin hong deih hiam?” cih kidong zaw leng hoihzaw kha ding hi. Kamsang Mikah tawntung in thumante semin, kiniamkhiat in, itna kip i neih ding Pasian in hong hilh hi (Mikah 6:8). Hih thute pen kha lamah khantohna ding a hihi.


    Ei tha muanglo in Pasian’ tha i muanding pen tawldam huai mahmah hi. Kha lamah i khantohna dingin Kha Siangtho in hong huh thei hi. Efesa 3:16 ah “Note’ lungsim a thahatna dingin Pasian in a kicing Ama’ vangliatna sung panin a Kha Siangtho tawh note hong thakhauh sak hi,” ci hi.


    Tua hi a, Kumthak pen Khris i sut semsem nading hamciamna tawh i dawn ding hi. Kiniamkhiat takin Pasian tawh lam i paikhop theihna dingin Kha Sianghto in hong huh ding hi.  – Jennifer Benson Schuldt


    Kha Siangtho ka sung’ hong teng a,
        Tua manin ka thuman ding hi.
    Pilna, Dikna, leh Siangthona ah,
        Ka nuntakna hong kha hi. – Lynch

Kha Siangtho pen nuntakna naakpi-in a neite pen a gualzo khinta ahi hi.

ANKAM LIMNO

January 2
Nili ni


ANKAM LIMNO

SIMDING:
Nehemiah 8:1-12

Naungeek suakciilte na bang unla, note khangto-in hotkhiatna na ngah theihna dingun kha thu tawh kisai nawizu siangtho duh belin na nei un. ___1 Peter 2:2

KUMTAWN LAI SIANGTHO:

Piancil 4-6
Matthai 2

Tu sawngteng natgual in hong vatin gim lua kisa-in ka ankam zong limvet lo hi. Tui bek tawh lah tha dimkik zolo ding a hih manin ka thahat kikna dingin ankam a limkik kul hi. 

    Israelte zong Babylon saltanna panin hong ciahkik ciangun kha ankam limnawnlo uh hi. Pasian leh Ama’ lampi panin pialkhinta uh hi. Tua kha lam ankam  a limkikna dingin Nehemiah in mi kaikhawm in Ezra in Lai Siangtho hilhcian hi. 


    (Neh 8:3) Ezra in Moses thukhamte simin zingtung panin sunkim dong tak, a mite Pasian’ thuman tawh kha-an vak hi. Mipite’n zong lunggulhtak in ngaitek uh hi. A kha-an duhna uh lianlua ahih manin a zing ciangin Innkuan lutangte, Siampite leh Levi mite, Ezra tawh kimu in Lai Siangtho limtakin kihilh cian pha sak hi (tg. 13).


    Pasian tawh kigal bawl in na kha tha a nem ciangin Pasian’ kammalte tungpanin tha la in (Peter Masa 2:2). Amah tawh kizopna a thak bawl in la, Pasian kammal tawh na lungsim  leh na kha’ gil, anlim tawh vah sak in. – Poh Fang Chia

    Tuipi gei-a, na hih bangteek in,
    Nuntakna khomun kei hong pia in Topa,
    Nang kong zonzawhna sangin,
    Nang kong ngillah hi, A nungta Kammal aw. –Lathbury

Pasian’ Kammal ne-in la, cidamin tha that in.

NI 31 SUNG LUNGDAM KO

January 1
Kum Thak

NI 31 SUNG LUNGDAM KO

SIMDING:
Late 136:1--16,26

Lungdamna pen topate’ Topa tungah ko un.__Late 136:3

KUMTAWN LAI SIANGTHO:

Piancil 1-3
Matthai 1

US te’ calendar a tamzawte ah January kha pen ‘Gambup lungdamkoh kha’ ci-in kiciamteh hi. Leitung bup lungdamkoh kha cileng zong cih thei hi.

    Tua hi a, January kha pen manpha takin Lungdamkoh kha in i zat theihna ding in Lai Siangtho in lungdam theihna tawh kisai bang gen hiam cih i en ding hi.
    Late 136 tawh a pan hileng, aneu khatna ah “Lungdamna ko un!” cih tawh kipan-in aneu 26 na ah “Lungdamna ko un!” cih tawh na khup hi. A tangsim phial ah “Ama itna kip tawntung hi” ci-in Alian Pasian’ tungah lungdamna i koh ding na gen toto hi. Hih Late 136 sung pen January khabup sung i sin ding a hihi.


    Aneu 4 ah ‘Na lamdang lian a bawlpa’ a hihna hong phawk sak hi. Pilna tawh nate a piangsak pa ci-in aneu 5 ah hong pulakto leuleu hi. Aneu10-22 na bangah Egypt pan a paikhiatpihpa’ thu na sut to lai hi. Pasian’ Piansakna leh paikhiatpihnate lungngai lehang, lungdamkoh kha sungah ni 31te pen Lungdamkoh ni vive hong suak ding hi.


    “Amah hoih ahih manin Topa tungah lundamna ko un (tg.1),” ci-in la a kiphuah bangin kumthak pen i Topa tungah lungdamkohna tawh i muak kan a, a hoih zaw bang om nawn khawng ding hiam? – Dave Branon


Topa tungah lungdam ding bang zahin hoih a,
Sangpen Pa i phat ding bang zah in kilawm hiam?,
Zing khuavak tawh a itna hong lak a,
Nitak khuamial in a thumanna hon gen hilo hiam?- Late


Na vai khempeuh hoih ci-in na ngaihsut ciangin Pasian tungah lungdam ko in.

AMA’ KHUT

December 31
 Ninih

AMA’ KHUT

SIMDING:
Rom 8:31-39

Jesuh Khris in kei-a dingin a hong sepsakte kimtakin ka ngah theih nading a hanciam ka hi hi. __Filippi 3:12

KUMTAWN LAI SIANGTHO:
 Malakhi 1-4
 Mangmuhna 22

Naupang pawl khat tawh lam ka kan laitak-un amau kiangah, “Ka khut limtak-in hong len un” ci-in ka vaikhak hi. Amau zong limtak mahin len tek uh hi. Amau’ hong letna bel muanhuai thamlo hi. Ei’n amau i va let keileh, limtak hong lenzo tuan lo ding uh hi.  Tua ahih manin Paul in, “Jesuh Khris in kei hong len gige hi” (Fil. 3:12) ci hi. “Khris in kei hong humcip hi” acihna zong hipah hi.
    I phawk ding thu khat: Eite in Pasian i letzawh ciang lungmuanna a kingah hilo-a, Jesuh’ hong letna khut bek a muanhuai hizaw hi. Tua khut sung panin kuamah in hong  sutkhia zolo ding hi. Ama’ khut sungah i omkhit nungsang, hong khahsuah ngeilo ding hi.
        I lungmuanna in: “Amaute tungah nuntak tawntungna pia ka hih manin si ngei  nawnlo ding uha, keima’ khut sung panin kuamah in hong sut zolo ding uh hi. Ka khut sungah a hong pia ka Pa sangin a lianzaw omlo ahih manin ka Pa’ khut sung panin kuamah in lakhia zo lo ding hi” (John 10:28-29).
    I Pa, le i Topa le Honpa i vei i kiimkot-ah a om uh ciangin i lungmuang mahmah hi. Tua khutte in mual le guam, tuipi, le aksi-te a bawl vanglian khut ahi hi. Tuhun le hong tung lai ding hunte ah “Khris Jesuh hangin Pasian itna tawh bang mah in hong khenkhia zolo ding hi” (Rom. 8:39). --David Roper

Topa, Siktukilh khetna a thuak khut hangin ka lungdam,
Tua khut in kei tung nangawn ah na hong sem hi.
Na taklam khut tawh ka nuntakna sung tawntung nong kha hi.
A tawp dongin muanhuaina ah nong paipih ding ka muang hi.


Hong Honkhia Pa pen hong Cingpa hi.

LAKLAWH

December 30
 Nipi Khuavaak

LAKLAWH

SIMDING:
Mangmuhna 21:1-7


Nuihna sungah lungsim puam thei-a, lungnopna lak-ah zong khuisatna om veve hi.
__Paunak 14:13

KUMTAWN LAI SIANGTHO:
 Zechariah 13-14
 Mangmuhna 21

Marlene le kei, ka kiteen lai-un “a kigawm khawm tuahkhakna” ka nei uh hi. Thudang hi tuanlo hi. Tua cibang teng tawh zong kiteenzawh kum 35 bang hong cingto hita hi. Ka kiteen ding kal khat sap khawngin Marlene’ nu hong si-a, ka lungkia mahmah hi. Marlene’ nuno in a nu taangin hong dingzo mahmah ahih hangin, ka lungdam ding zah uh sang, lungdam kisa zolo hi ung. Nu tawh hilo ka hih manun, vai khempeuh lemlo dektak hi.
    Tua bang tuahkhakna in a kisia leitung ii zia ahi hi. Asia le apha i tuakkha-a, nopna le dahna - “nuihna a om  laitak lungsim dah thei-a, nopsakna in lunggimna hong tun thei hi” (Pau. 14:13) ci hi. I lungdamna pen zong lunggimna in hong vukcip thei-a, tua pen leitung ah i tuahkhak zel thu ahi hi.
    A lungdam huai thu in, hih leitung nuntakna pen a tawpna hi deklo hi. Nuntakna thak i luah hun ciangin Khris in hong ciamsa oma: “Amaute’ mit panin khitui khempeuh nulsak ding hi. Thu luisate maimang khinta ahih manin sihna, dahna le na sa-a kahna cihte om nawnlo ding hi” (Mang. 21:4). Tua ni ciang takciang, a kigawmkhawm tuahkhaknate i thuak kei dinga, Pasian’ ompihna in i lungsim hong dim ding hi! -- Bill Crowder

Lemna! Lamdang pen hi,
Vantung Pa kiang pan hong tuaksuk a,
Ka kha hong nelsak tawntung ta in,
Mong neilo na itna lian tawh– Cornell

Hih lei-ah i dahna khempeuh vantung aa i sak ding lapi hong suak ding hi.

KHANGMOITE TUNGAH LAIKHAK

December 29
 Nipi Ni

KHANGMOITE TUNGAH LAIKHAK

SIMDING:
3 John

Na gamtatna uh ka zakna sangin ka lungdamna lianzaw bangmah omlo hi.
___3 John 4

KUMTAWN LAI SIANGTHO:
 Zechariah 9-12
 Mangmuhna 20

A nuntakna a tawp dongin C.S Lewis in khangthakte tungah kha lam pattahna pia lai hi. Lupmun tungah a om laitak nangawn, naupang Philip kici ii laikhak thukzo lai hi. Tua lai pen thupisa ahih manin Lewis zong lungdam mahmah a, a diakin Lewis’ gelh “the Narnia Chronicles” sunga humpi pen Jesuh Khris hi cih a theih pen lungdam lua peuhmah hi. A zing ciangin Lewis’ nuntakna bei-a, kum 65 cinna ding nipi khat sap hun ahi hi.
    Sawltak John in zong kha lamah a tate tungah laikhak khak hi. Tua laikhak sungah khangthak thu-umte tungah a khangham khinsa puteek khat ii thapiakna lai kihel hi.
    John in, “Na gamtatna uh ka zakna hangin ka lungdamna sangin a dang lungdamna lianzaw bangmah omlo hi” (3 John 4). Thuciam Thak sunga thute tom-in, John’ laigelh diakdiak pen hong tung ding khangthakte’ khansuahna ah lungdamna a neihna pulaakna hi phadeuh se hi.
    A khanghamsa Khristian-te in ahihleh, khangmoi lai Khristian-te’ nuntakna thapia dingte ahi uh hi. Lungdampihna, angtanna kammalte, thungetsakna, deihsakna cihte tawh Pasian’ lamah khancinna thu a hilh dingte hi uh hi. Dennis Fisher

Khris sungah mite a khancin theih na’ng,
Man na piak kul
Na nuntakna na piakna tawh zong
Biakpiakna a lui na hi hi.__D. DeHaan

Lampi a theipa tawh khual i zinkhop ciang nuam deuh hi.