NI SUAK

March 1
Kigin Ni
 

NI SUAK

S I MD I N G :
Paikhiatna 3:1-12

Tua ciangin Moses in, “Kei pai-in hih na lamdang ka muh, va en ning!” ci hi.––Pai. 3:3
________________________


Tu zingsang nisuah dan lamdang ka sa hi. Buai lua ka hih manin ka awlmawh lua kei hi. Tua ka et ding sangin na dangte sep ding ka hanciamzaw hi. Tua nisuah tawh kisai-in dendeuh mahmah-in ka ngaihsun kha a, Topa tungah Biakpiakna ka piak ding a mangngilh kha ka hihlam ka kithei hi.

Buaina le ze-etna tuamtuam kawmkalah Pasian’ hoihna, vangliatnate in ei hong umcih veve hi. Tua bang hun ciangin vantung hoihna leitung mitmuhte tawh hong kilang hi-a, tuate hunla-in Topa’ itna i phatphat ding a hihi.

Moses in a tum theilo sawlbawk kuang enpak bek leh, bang peuh a ci tam (Pai. 3:2)? Tua sawlbawk kuang en nawnlo-in na dang sepsan leh bang a piang tam? (Amah in a tuute a cin ding vaipuak khat a nei hi-a, nasep lian khat hi veve hi). Tua bangin om peuhmah leh, a nungta Pasian tawh kimuh khak ding hun neilo dinga, hamsia mahmah ding hi (tg. 4-12).

I nuntakna ah nawhsa tak-a i sep ding kul mah hi. Ahi zong ngaihsun kikk taktak leng, nawhsa lam a sep ding hilo-a encik kawm a sep ding zong hoihzaw kan hi. Nuntakna cih pen tu laitak ahi hi. Nuntakna pen kigin hun zong hi-a; Pasian’ itna hong kilakte zong muhsiamna hipah hi. Nisuak banga hong taang Pasian’ vangliatnate etcing na zong ahi hi. Tawntung tawh a kisai hun hoih nonote in nang hong ngak gige hi. – David Roper


Hong musak in Nangma thuman,
Keima ading Na koih sate
Ka khut sungah hong pia in
Nangmah’n hong khahkhia thei kolsutnate. – Scott

Topa, ka muh theih nadingun ka mit uh hong honsak in.

HONG LUM SAK HI

February 25
Ninih ni

“HONG LUM SAK HI”

SIMDING:
Paikhiatna 20:8-11

Amah in lono-ah kei hong lum sak hi. Tui dam luanna ah hong paipih hi. Ka nuntak na tha hong dim hi.––Late 23:2-3

KUMTAWN LAI SIANGTHO:
Gamlak Vakna 12-14
Mark 5:21-43

Gam hoih mahmah a la pa in tua gam sungah a lut nuam mahmah hi. Alauhuaina theikhol ka hih manun a lut pah lohna ding ka kham uh hi. Kam khum tawh hopih in ka kham uh hi. A lupphot ding ka gen uh hi. “Lum” cih kammal a zak ciangin hong nung hek sanin a lung kimlo hi. Atawpna-ah inn sungah lum phot lo-in lut teitei ahih manin si hi.
 

   Khat veivei ciangin eite in lup hun ding i phawk ding kisam hi. Late 23 sungah eite hong cing Tuucing Lianpa in “Lonona-ah hong lum sak a” le “tuidam luanna ah hong paipih hi” cih i theih ding hong deih hi. Eite in i phawk khak loh hangin dai dide-in tawlngak ding i kisapna amah in thei gige hi.
 

    I pumpi tawlngak ding kisam hi. Pasian zong piansak nasep a zawh khit ciangin ni sagih ni in tawlnga hi (Pian 2:2-3; Pai 20:9-11). Jesuh in mipi te tungah nasep ding leh tawlngak hun ding thei hi. Amah in nungzuite kiangah, “hong pai un... tawlnga ni” (Mark 6:31) ci in a hilh hi. Eite in i tawl ngak ciangin thathak i ngah hi. Na sep ding tampi i neih laitak- a manpha tampi sep ding i neih laitak nangawn  Pasian in, lumin i tawlngak ding hong deih hi.
  

  Tawlngak ding pen Pasian kiang pan hong pai letsong ahi hi. Pasian in eite, “Lonona-ah hong lum sak” ahih manin A min i phat hi.––Cindy Hess Kasper

Pasian aw, ka nuntakna khempeuh
nong kepna hangin lungdam
kong ko hi. Tawlnga hithiat in
thathak ka lak nang hong huh in.

Eite in hun la-in i tawlngak keileh, lunggimna i thuak thei ding hi.-Havner

Feb 23, 2014 Church Media Program

Feb 23, 2014 Thu Zaksakna

Lai Siangtho thusinna(Late 127)~Asst. Pastor Zam Khen Khai




Siampi thungetna~Rev. D. Suan Za Thang

Teacher Training Certificate piakna~Rev. Nang Khan Khual CED

Teacher Training Certificate piakna Lia Ngun Kip Tial 

Teacher Training Certificate piakna/ Lia Ning It Lian Siang


Teacher Training Certificate piakna/ Nu Ning Hau Lun

Pawlsung sanna~Church Pastor

Pawlsung sanna

Biakinn Sumpi donna leh apna~Rev. Mang Tungg Thang


Phatna La~Dimno(N/Dagon)

Thungenna tom~Rev. Suan Khen Tuang

Phatna La~Huaipi

Sumpi apna(Doxology)~Pa Suang Khen Tuang

Thuzaksakna~ Upa Ngin Zen Kam, Associate Secretary

"Lungdamko a, Thungen Pawlpi"~Rev. Thang Go Khup, TBC-GS

MONG NEILO ITNA

February 23
Nipi

MONG NEILO ITNA

SIMDING:
Late 36

Topa aw, na hehpihna vangtungah omin, na thumanna meeitung dong banto hi. ––Late 36:5

KUMTAWN LAI SIANGTHO:
Gamlak Vakna 7-8
Mark 4:21-41

Ka neutung a biakinn a ka zak ngei hymn la ii tangthu ka lawmte khat in hong khak hi.

Tui khempeuh laitui a suak zong,
vankumpi laidal a suak zong,
sing khempeuh laikung a suak zong
mi khempeuh laisiam a suak zong,
Pasian’ itna tuite bei dongin
kigelh khin zolo ding hi.
Vatungte laidal a suak zong
kicing zo nailo ding hi.

    Hih pen tanglai Jewishte lakam hi a, lungsim manlote kikepna cina khat khaan kawm tungah ka mu kha hi.


    Frederick M. Lehman in zong hih lakam hoih sa in a tang zai tawh in a gelh khia nuam hi. 1917 kum in lingmaw kuang gei-ah sun an a nek lai tak in amah in tang nih leh sakkik behlap in “Pasian’Itna” cih la hong phuak khia hi.
   

 Late lai gelh pa in Late 36 sungah Pasian’ hong itna thu a gelh khia hi: “ Psian aw, nong itna in vantung dong ban to hi” (tg.5) Nuntakna sungah bang bang haksatna i thuak zongin, lunggimna leh khuamial thukpi bang ze-etna i thuak zongin Pasian’ hong itna in lametna hong pia hi. Hong om pih denin tha leh khamuan na hong pia den hi.–– Joe Stowell

Aw, Pasian’itna lian in siang,
Ciangtan neilo in lian,
A tawntung in kip,
Misiangte le vantung mite’ la.–– Lehman

Nang pen tawntung itna tawh hong ki-it hi.