ITNA TAKTAK

Posted on Friday, February 14, 2014by
February 14
Ninga Ni


ITNA TAKTAK

SIMDING:
Johan 15:9-17

Lawmte a’ding sih ngamna sangin a lian zaw itna om lo hi.–– Johan 15:13


KUMTAWN LAI SIANGTHO:
Siampi Laibu 15-16
Matthai 27:1-26

Ka sanggampa mopawi madeuh-in ka pasal in mopa le monu pastor mai-ah a din laitak un man zaih hi. Maante ka etkik ciangun, a nunglama biakinn zepnate  mopa le monute sangin etlawm zaw  ahihna ka thei uh hi.

    Hih mopi kiteenna mante in Khris ii pawlpi a itna, singlamteh hong phawk sak hi. Lai Siangtho in pasalte in a zite (Efesa 5:25) a it dingdan hong  gen ciangin Khris in nungzuite tunga  a cihtakna, aituam kihello a, a itna thu tawh tehkak hi. Eite hong it manin Khris in sihna hong thuak hi. Eite zong tua mah bangin iki it ding ahi hi (1Johan 4:10- 11). Amah ei tang in hong si ahih manin eite in Pasian tawh a tawntung in i kikhen nawn kei hi. Jesuh in ama’ gen Kammal bangin a sem hi: “Lawmte a’ding sih ngamna sangin a lian zaw itna dang omlo hi” (Johan 15:13).
 
    Eite a tam zaw in pampaihna, nawl khinna, leh lehhekna i thuak ciat hi. Hih thute eite in don loin, Khris hang in kipiakna, lainatna, leh itna taktak hangin thuakzawhna i nei thei hi. Tu ni in Pasian in nang hong it ahihna thei in. Jesuh in a nuntakna tawh thu hong gen khin zo hi.––Jennifer Benson Schuldt

Pasian’ itna lianin lamdang hi,
thu in lian a, siangtho in  thupi hi.
Jesuh’ lungtang pan hong pai hi
Haksat hunin hong huh hi––Blom

Jesuh’ singlamteh lo ngal Pasian’ itna hong gen bangmah om lo hi.

HOIHNA MAW? MINTHANNA?

Posted on Thursday, February 13, 2014by
February 13
Nili Ni 

HOIHNA MAW? MINTHANNA?

SIMDING:
Mangmuhna 3:1-6

Note pen a si na hih hangun a hing min na pua uh hi.–– Mangmuhna 3:1

KUMTAWN LAI SIANGTHO:
Siampi Laibu 14
Matthai 26:51-75

John Wooden (1910-2010) pen basketball kimawlna ah minthang mahmah hi. Amah in gamtat hoihna in mithanna sangin thupi zaw, ci-in um hi. “Na minthanna pen midangte hong muhna ahi hi. Ahih hangin na gamtat hoihna pen na hihna ahi hi. Na gamtatna nang bek in na thei hi. Midangte na haibawl theih hangin, nang le nang na kihaibawl thei kei hi” ci-in Coach Wooden in a lawmte kiang ah gen den hi.
 
   Mangmuhna sungah Asia gam a om Pawlpi sagihte tungah sihna pan a tho Khrih’ kammalte kimu thei hi. Sardis Pawlpi tungah Jesuh in, “Na nasepte ka thei hi. Note pen a si na hih hangun a hing cih min na nei uh hi” (Mang 3:1).  Pasian in amaute thu a thei hi. Amaute zong akithei tawm  uh hi. Jesuh in amaute a sih dektakna pan un thoto in Kha Siangtho tawh a kidim nuntakna a neih ding deih hi (tg. 2). Amau san thuman thutak a phawk ding, a zuih ding leh kihei kik in a thak kalsuanna ah a pai ding Amah in a tawsawn hi (tg. 3).
 
   Pasian in i nuntakna sungah khialhna hong lah ciangin i kikhel theih nadingin zatui hong pia hi. I mawhnate pan in iki leh kik ciangin Pasian in i mawhna hong maisak in a thak nuntakna hong nei sak hi.
 
    Kha thu-ah, ahoih lo minthanna pan iki khel nang suahtak na i ngahna, nuntakna tawh akidim gamtat hoih i neihna pen  Topa Khris theih cianna panin hong pai ahi hi.––David McCasland

Mite in kham le minthanna bek gen uh hi
Min neihna in kicing lo hi;
Min hoih neihna pen ngun le kham
sangin hoihzaw pek hi.–– Guest

Gamtat hoih taktak a kilatna pen mite hong muhloh laitak i sep nate ahi hi.

MUHKHOLHNA

Posted on Wednesday, February 12, 2014by
February 12
Nilai

MUHKHOLHNA

SIMDING:
Rom 8:28-30

Amah hong kilah kik ciangin eite in Amah tawh ikibang ding hi.––1 John 3:2

KUMTAWN LAI SIANGTHO:
Siampi Laibu 13
Matthai 26:26-30


Suang tunga limsuai siamte in a khauh mahmah suang tungah lim hoih nono suai ding mukhol in a hoih mahmah in zem uh hi. Hih pen “Muh kholhna” kici hi.
  
  Gutzon Borglum (1867-1941) pen liimsuai siam mahmah khat in mipi in a thei uh hi. Souh Dakota, Mt. Rushmore National Memorial ah minthang pen hi. Borglum’ nasepna in US president  li te maitang ngaihsun mukhol -in Mt. Rushmore ah a khat veina lim hoih  mahmah suai hi. “Mr. Borglum” “ Mr. Lincoln pen hih suang tungah a om na koi bangin thei thei na hi hiam?”  ci-in kidong hi .
 
   Pasian in zong na a sep ciangin muhkholhna tawh sem hi, cih a genna dingin a hoih penna ahi hi. Pasian in a nasep zo siangin eite in ama’ mai-ah siangtho le paubanna omlo in i din ciangin amah in eite i hi bangin hong mu hi. Eite in Jesuh tawh i kibang ding hi. Nang tungtawnin na sep akipan Pasian in Jesuh Khris hong pai kik ni dong tua nasep a zom toto ding hi (Filippi 1:6).
 
   Pasian pen kinial theilo hi. Amah in Jesuh i sut ding hong deih hi. Amah in a patkhiatsa nate a zawh dong bang mah in eite hong buaisak zolo ding hi.
 
   Eite in hong seekpa Topa tungah ei le ei i ki-ap tawm ding kisam hi.––David Roper

“Amah in nang bang mizawngte hong itlo ding hi”
ci-in muanlahna na nei thei ding hi.
A it tak loh pen ka hih hangin
Amah in nang hong it veve hi––MacDonald

Pasian in ama deihna bang i suah theih nadingin na a sem hi.

Pre Valentine-day Special Talk by Sung Tin Par

Posted on Tuesday, February 11, 2014by
Pre Valentine-day Youth Service
Feb 9, 2014 ေန႔ရက္တြင္ Special Talk ႏွင့္ Pre Valentine-day အစီအစဥ္
အား အတူတကြ ျပဳလုပ္ခဲ့ရာ ခရစ္ယာန္ ဓမၼေတးသံရွင္ ဆုန္သင္းပါ(ရ္) မွ
ဂုဏ္ေတာ္ခ်ီးမြမ္းျခင္း၊ သက္ေသခံျခင္းႏွင့္ လူငယ္မ်ား အတြက္ Special Talk ေျပာၾကားျခင္း တို႔ၿဖင့္ ပါ၀င္ခဲ့သည္။ TPTP

I LAUNATE KOI-AH

Posted on Tuesday, February 11, 2014by
February 11
Ninih Ni

I LAUNATE KOI-AH

SIMDING:
1 Kumpi17:17-24

Ka lau hun ciangin Nang kong muang hi. ––Late 56:3

KUMTAWN LAI SIANGTHO:
Siampi Laibu 11-12
Matthai 26:1-25

Ka kiteen khit kum 12 sungin ka tate bang ci pattahin khangto sak ding cih lunggim ka hih manun ka thanem keei uh hi. Ka lawmte khat in Pasian’ ngaihsutna hong gen hi. “Pa hoih lo na hihlam Pasian in hong thei hi” hong ci hi.
   
 1988 kum Lungdambawl-in ta pasal khat ka nei uh hi. Ahih hangin tu in ama a’ding ka lungkham hi.
 
   August le Kathryn te ko innkuan sungah hong kibehlap hi. Ka zi a’ding in zato siamah le siavuan khat a hihna tawh Kathryn kahpih theizel hi. Ka khut zanin ka hehnem thei hi. Amah in a khutmete ka tungah hong koih hi. Tuamah bangin Kha Siangtho in hong hehnem hi. Hih naupangno tungah ka itna ka lah bangin Kha Siangtho in khamuanna ka neih theih nading hong huh hi.
  
  Zarephath meigongnu in zong muanlahna nei ngei hi. A tapa si ding zah dongin cina hi. A lunggim lua ahi manin, “Ka mawhna hangin ka tapa that dingin hong pai na hi hiam?” (1Kum 17:18) a ci hi. Pasian in  geelna dang nei hi.
 
    I haksatna sangin a lianzaw, amah le ei kikal a om mawhna hong maisak in hong it ding, a kitam lungtam hong damsak ding Pasian na i sem hi. I launa munah Pasian om hi.–Randy Kilgore

Pa aw, ka thanem hun ciangin ahi zong,
ka lau pen hun ciangin hong om pih in.
Midangte tungah itna ka lah zawh dong
Na itna hong hilh in.

Itna in tu laitak a manlo i launate zozo hi.

Feb 9, 2014 Program

Posted on Monday, February 10, 2014by
 Bulletin 
------------------------------------------------------------------------------------------
 Photo
---------------------------------------------------------------------------------------
  Audio

MUSIC VANGLIATNA

Posted on Monday, February 10, 2014by
February 10
Nipi Khuavak


MUSIC VANGLIATNA


SIMDING:
Late 59:6-16

Na vangliatna ka phat ding a, Nong hehpihna zingsangin kong phat ding; Bang hang hiam cih leh nang in haksat hun ciangin ka belhna leh ka bukna mun Na hi hi.––Late 59:16


KUMTAWN LAI SIANGTHO:Siampi Laibu 8-10
Matthai 25:31-46

Wales ah pasal pawlte’ la, ngeina  la-in kizang hi. Leitung galpi II na ma-in Welsh glee club-te in German glee club-te tawh kidem uh hi. Tua la kidemna hangin gal kidona hong khawl uh hi. Chorus dawng nih tawh kigal neihna bei hi: “Thungen khawm ni, Ka lawm na hi. La sa khawm ni, ka sanggam na hi.”
  
  Music vangliatna pen Pasian kiang pan hong pai lungsim damna ding huhna ahi hi. Mi tampi in thangah hi. Tua ahih manin Late Lai Siangtho in hih bangin hong gen hi. Eite in i lungtang tawh akizom lamal tawh i lungsim sung panin Pasian i hopih thei hi. “Na vang liatna kong phat ding hi: Ka haksat hun ciangin ka belhna leh ka bukna Na hi hi” (Late 59:16). Mite in David that ding a a zon laitak un amah in hih la a phuak hi. David in a piangthute hangin lungkia lo in Pasian’ vangliatna le hehpihna phawk in thangahna late sa hi.
  
  Eite in bang bang i thuak zongin Pasian in Ama’ hoihna le vangliatna hong theisak late hong pia ta hen!––Bill Crowder

Ka gengen ding hi, ka sasa ding,
Hong honpa phatna sun niloh in,
Ka gengen ding hi, ka sasa ding,
Hong honpi phatna sun niloh in––Crosby

Israelte Pasian, Topa tungah la ka sa ding hi. --- Thk. 5:3
Subscribe to: Posts (Atom)