Bible study: Efesa 3:7-13

Posted on Monday, April 30, 2012by with No comments
Rev.Cin Sian Pau(Associate Pastor) Bible Study
 7Tua lungdamna thuhilh a sem dingin Pasian in a tuam vilvelin ama vangliatna tawh kei a hong seh hi. 8Pasian' mi khempeuh lakah kei a neupen hinapi-in, Khrih hangin a kigen zolo thu manpha ahi Lungdamna Thu, Gentail mite lakah a gen ding, 9-10leh Pasian in a geelsim thute a kisep khiatna thu mi khempeuh a musak dingin Pasian in kei tungah hih hamphatna hong pia hi. Tuhun laitakin vantung a uk van mite in pawlpi' hangin Pasian' pilna a nam tuamtuamin a muhtheihna dingun na khempeuh a bawl Pasian in a beisa hunah hih thu khempeuh a imcip hi. 11Pasian in a tawntungin a ngimna a omsa bangin i Topa Khrih Jesuh nasepna tawh a ngimna a hong tungsak hi. 12Amah tawh i kipawlna leh amah i muan'na hangin kimuang takin Pasian kiangah paitheihna ding hun i nei hi. 13Tua ahih manin note hangin ka thuakna pen note' phattuamna ding ahih manin tua ka thuakna thu hangin lungkiatna-in na nei kei un. 

0 comments:

Post a Comment

Subscribe to: Post Comments (Atom)