October 23
Nilai
NUNTAKNA MANSUAHNA LE MUHKIKNA
SIMDING:
Luka 9:18-27
Nuntakna a hu nuamte in a nuntakna bulpi nangawn tawh suplawh ding a, kei’ hangin a nuntakna a suplawhte in a nuntakna bulpi huzo ding hi.__Luka 9:24
KUMTAWN LAI SIANGTHO:
Jeremiah 1-2
1 Timoti 3
1997 kumin Mother Teresa asih tak ciang, Khris ading le a cimawh mite ading a nasepnate mipi in ngaihsun pha uh hi. Amah in kum 50 sung mizawngte, cinate, meigongte, le genthei aa om Calcutta khuamite ading nasem hi.
Ama tungah dotna teng a neih khit ciang laigelh Malcolm Muggeridge in: “Mihing hihna thu hoihtak ka kikum thei uha, mi tam theithei va honkhia zo leng, tua sungah hamphatna tampi kingah ding cih amah’n thei hi. Tam zangkhia tektek lecin tam zawsem na ngah ding hi. Mother Teresa in amah le amah suplawh-in nasemsem mahleh, amah sum tuanlo hi. Amah bang mi leitung ah ka muh ding kikhaat mahmah hi” ci-in gelh hi.
Mi tampite in Jesuh’ kammal ahi bangin mang lehang bang thuak ding cih lunglau uh hi: “Kei nong zuih nopleh, ama deihna bangin gamta nawnlo-in nisimin a singlamteh pua-in hong zui ding hi. Nuntakna a hu nuamte in a nuntakna bulpi nangawn tawh suplawh dinga, kei’ hangin a nuntakna a suplawhte in a nuntakna bulpi huzo ding hi” (Luka 9:23-24).
Honpa in eite nuntakna bucing hong pia ding hong pai ahihna hong gen hi (Johan 10:10). Khris ading i suplawhna, nuntakna taktak i muhna bulpi hong suakzaw hamtang ding hi.___ David McCasland
Nilai
NUNTAKNA MANSUAHNA LE MUHKIKNA
SIMDING:
Luka 9:18-27
Nuntakna a hu nuamte in a nuntakna bulpi nangawn tawh suplawh ding a, kei’ hangin a nuntakna a suplawhte in a nuntakna bulpi huzo ding hi.__Luka 9:24
KUMTAWN LAI SIANGTHO:
Jeremiah 1-2
1 Timoti 3
1997 kumin Mother Teresa asih tak ciang, Khris ading le a cimawh mite ading a nasepnate mipi in ngaihsun pha uh hi. Amah in kum 50 sung mizawngte, cinate, meigongte, le genthei aa om Calcutta khuamite ading nasem hi.
Ama tungah dotna teng a neih khit ciang laigelh Malcolm Muggeridge in: “Mihing hihna thu hoihtak ka kikum thei uha, mi tam theithei va honkhia zo leng, tua sungah hamphatna tampi kingah ding cih amah’n thei hi. Tam zangkhia tektek lecin tam zawsem na ngah ding hi. Mother Teresa in amah le amah suplawh-in nasemsem mahleh, amah sum tuanlo hi. Amah bang mi leitung ah ka muh ding kikhaat mahmah hi” ci-in gelh hi.
Mi tampite in Jesuh’ kammal ahi bangin mang lehang bang thuak ding cih lunglau uh hi: “Kei nong zuih nopleh, ama deihna bangin gamta nawnlo-in nisimin a singlamteh pua-in hong zui ding hi. Nuntakna a hu nuamte in a nuntakna bulpi nangawn tawh suplawh dinga, kei’ hangin a nuntakna a suplawhte in a nuntakna bulpi huzo ding hi” (Luka 9:23-24).
Honpa in eite nuntakna bucing hong pia ding hong pai ahihna hong gen hi (Johan 10:10). Khris ading i suplawhna, nuntakna taktak i muhna bulpi hong suakzaw hamtang ding hi.___ David McCasland
Na singlamteh pua in kei hong zuiKhris ading i nuntakna i suplawh ciang, Ama’ sungah nuntakna bit i ngah hi.
ci-in honpa in hong sam ka za;
Tua awnem bangci kei’n dawng thei,
Amah’n kei ading vekpi hong pia. ___Ackley