December 4
Nilai ni
EUREKA SUANG
SIMDING:
Matthai 13:44-50
Vantung ki-ukna pen lolai-ah a kiseel sum tawh kibang hi. Mi khat in a muh ciangin limtakin a seelpha hi. Amah lungdam mahmah-in a inn-ah ciahpah a, a neih khempeuh a zuak khit ciangin tua lo a lei hi__Matthai 13:44
KUMTAWN LAI SIANGTHO:
Late 143-145
1 Korin 14:21-40
1867 kumin South Africa gam-ah, kum 15 apha Erasmus Jacobs in a lo sungah suangtee khat mu hi. A veengpa in a theih ciangin tua suang lei nuam hi. Ahi zongin Erasmus’ nu in a manphat lam theilo ahih ciangin, “tua suang na deih leh keem in”ci hit-hiat lel hi.
A tawpna ciangin suang manpha lam thukante in a et tak ciangin tua suang pen 21.25 carat apha kham suang manpha hi-a, tampi tak man hi, ci-in gen uh hi. Tua suang pen “Eureka Diamond” ci-in min pia uh hi. (eureka pen Greek pau-in “Ka mu hi!”) Tua a kipan Jacob’ neih logam pen tampi manin kizuak hi. Tua lei sungah leitunga kito suang lakah a hoihpen kham tampi kimu hi.
Jesuh in Pasian’ Gam pen suang manpha tawh kibang hi a cihna i phawk hi: “Vantung ki-ukna pen lolai-ah a kiseel sum tawh kibang hi. Mi khat in a muh ciangin limtakin a seelpha hi. Amah lungdam mahmah-in a inn-ah ciahpah a, a neih khempeuh a zuak khit ciangin tua lo a lei hi” (Matt. 13:44).
Jesuh i up, i muan ni-a kipan khalam “eureka hun” hong tungta ahi hi. Pasian in A Tapa tungtawnin mawhmaisakna hong pia hi. Tua in a kiteh theilo suang manpha ahi hi. Tu-in ahih leh, tua Vangam nuam-ah lungnuam takin om-in a nungta dingte i hihi. Tua lungdamna midangte tawh i san khop theih ding zong kisam hi.__Dennis Fisher
Theihna lianpi ka kisam,
Pasian kiang pan hong pai lungdamna!
Jesuh ah man ngenlo-in hong kipia
Tehpih theih omlo-in i hau hi.- D. DeHaan
Pasian’ gam pen i ngah tek ding suang manpha ahi hi.
Nilai ni
EUREKA SUANG
SIMDING:
Matthai 13:44-50
Vantung ki-ukna pen lolai-ah a kiseel sum tawh kibang hi. Mi khat in a muh ciangin limtakin a seelpha hi. Amah lungdam mahmah-in a inn-ah ciahpah a, a neih khempeuh a zuak khit ciangin tua lo a lei hi__Matthai 13:44
KUMTAWN LAI SIANGTHO:
Late 143-145
1 Korin 14:21-40
1867 kumin South Africa gam-ah, kum 15 apha Erasmus Jacobs in a lo sungah suangtee khat mu hi. A veengpa in a theih ciangin tua suang lei nuam hi. Ahi zongin Erasmus’ nu in a manphat lam theilo ahih ciangin, “tua suang na deih leh keem in”ci hit-hiat lel hi.
A tawpna ciangin suang manpha lam thukante in a et tak ciangin tua suang pen 21.25 carat apha kham suang manpha hi-a, tampi tak man hi, ci-in gen uh hi. Tua suang pen “Eureka Diamond” ci-in min pia uh hi. (eureka pen Greek pau-in “Ka mu hi!”) Tua a kipan Jacob’ neih logam pen tampi manin kizuak hi. Tua lei sungah leitunga kito suang lakah a hoihpen kham tampi kimu hi.
Jesuh in Pasian’ Gam pen suang manpha tawh kibang hi a cihna i phawk hi: “Vantung ki-ukna pen lolai-ah a kiseel sum tawh kibang hi. Mi khat in a muh ciangin limtakin a seelpha hi. Amah lungdam mahmah-in a inn-ah ciahpah a, a neih khempeuh a zuak khit ciangin tua lo a lei hi” (Matt. 13:44).
Jesuh i up, i muan ni-a kipan khalam “eureka hun” hong tungta ahi hi. Pasian in A Tapa tungtawnin mawhmaisakna hong pia hi. Tua in a kiteh theilo suang manpha ahi hi. Tu-in ahih leh, tua Vangam nuam-ah lungnuam takin om-in a nungta dingte i hihi. Tua lungdamna midangte tawh i san khop theih ding zong kisam hi.__Dennis Fisher
Theihna lianpi ka kisam,
Pasian kiang pan hong pai lungdamna!
Jesuh ah man ngenlo-in hong kipia
Tehpih theih omlo-in i hau hi.- D. DeHaan
Pasian’ gam pen i ngah tek ding suang manpha ahi hi.