December 3
Ninih
KHATVEI TAWH
SIMDING:
1 Johan 2:24-3:3
En un i Pa Pasian in bangzah takin hong it hiam cih leh, Pasian’ Tate ci-in hong sam hi.
____1 Johan 3:1
KUMTAWN LAI SIANGTHO:
Ezekiel 45-46
1 Johan 2
Sarah in elguh natna kum tampi sung thuak hi. Exercise lak ding doctor-te in gena, nisimin 25 vei thasan ding hilh hi. A natna a phattuam sam hangin damsiang zolo hi. Tua ahih manin a doctor-pa in x-ray zaihsak ding doctor dang khat kiangah sawl-a, tua pa in nisim 25 vei na thasan pen khawl inla, khatvei tabek bawl in, ci hi. A lamdang thu khat-ah, tua banga a bawl ciangin damzaw takpi hi.
Khat veivei, thu neuno khat zong a hoihpen hong suak thei hi. Pasian’ thungaihsun siam Karl Barth ii nuntakna gual khat bekin gen ding a kidot ciang: “Jesuh’n kei hong it!” ci-in dawng hi. “Ka thei hi, Lai Siangtho in hong gen hi” cih zong kihel lai hi.
Pasian hong itna kilangh mahmah hi. Amah in A Tapa, ei hong hon dingin hong sawl hi. Tua Tapa Singlamteh tungah hong si-a, i mawhna hong puaksak hi. Tua khit ciang hong thokik a, nuntakna thak hong guan hi. Lamdang itna! Johan in: “En un, i Pa in bangzah-in hong it cih na tel uh hiam? Eite Pasian’ Tate hong kici hi!” (1 Johan 3:1).
Jesuh’ itna in hong bing gup ding ahih keileh, nuntak haksatna khempeuh beisiang sak ding cih bang hilo hi. Tua itna pen thuman hi a, eite in muangin nuntakna le Pasian tawh kilemna hong piangsak hi, cih phawk ni.–– Anne Cetas
Vantung a i Pa in a hong itna,
Hong piak Lai Siangtho sung ah hong genta,
Lai Siangtho sungah thu a ngaih pha pen,
Jesuh in kei hong itna mah hipen.–Bliss
Hih mah lamdang pen sa’ng, Jesuh in kei hong it zenzen.
Ninih
KHATVEI TAWH
SIMDING:
1 Johan 2:24-3:3
En un i Pa Pasian in bangzah takin hong it hiam cih leh, Pasian’ Tate ci-in hong sam hi.
____1 Johan 3:1
KUMTAWN LAI SIANGTHO:
Ezekiel 45-46
1 Johan 2
Sarah in elguh natna kum tampi sung thuak hi. Exercise lak ding doctor-te in gena, nisimin 25 vei thasan ding hilh hi. A natna a phattuam sam hangin damsiang zolo hi. Tua ahih manin a doctor-pa in x-ray zaihsak ding doctor dang khat kiangah sawl-a, tua pa in nisim 25 vei na thasan pen khawl inla, khatvei tabek bawl in, ci hi. A lamdang thu khat-ah, tua banga a bawl ciangin damzaw takpi hi.
Khat veivei, thu neuno khat zong a hoihpen hong suak thei hi. Pasian’ thungaihsun siam Karl Barth ii nuntakna gual khat bekin gen ding a kidot ciang: “Jesuh’n kei hong it!” ci-in dawng hi. “Ka thei hi, Lai Siangtho in hong gen hi” cih zong kihel lai hi.
Pasian hong itna kilangh mahmah hi. Amah in A Tapa, ei hong hon dingin hong sawl hi. Tua Tapa Singlamteh tungah hong si-a, i mawhna hong puaksak hi. Tua khit ciang hong thokik a, nuntakna thak hong guan hi. Lamdang itna! Johan in: “En un, i Pa in bangzah-in hong it cih na tel uh hiam? Eite Pasian’ Tate hong kici hi!” (1 Johan 3:1).
Jesuh’ itna in hong bing gup ding ahih keileh, nuntak haksatna khempeuh beisiang sak ding cih bang hilo hi. Tua itna pen thuman hi a, eite in muangin nuntakna le Pasian tawh kilemna hong piangsak hi, cih phawk ni.–– Anne Cetas
Vantung a i Pa in a hong itna,
Hong piak Lai Siangtho sung ah hong genta,
Lai Siangtho sungah thu a ngaih pha pen,
Jesuh in kei hong itna mah hipen.–Bliss
Hih mah lamdang pen sa’ng, Jesuh in kei hong it zenzen.