February 2
Nipi Ni
LAMLAK KISAM
SIMDING:
James 4:11-17
Thuman Kha Siangtho hong pai ciangin thuman thutakah note hong makaih ding hi.–Johan 16:13
KUMTAWN LAI SIANGTHO:
Siampi Laibu 29-30
Matthai 21:23-46
Ireland, Galway a om St. Nicholas Biakinn in tangthu sau nei in tuni ciang kizang mahmah lai hi. Ireland ah akiphut masa pen biakinn hi-a, lam hilh zong ahi hi. Tua Biakinn aa taute pen khuapi sangin sang zaw hi. Tembaw hawlte in Galway Bay a tun nop uh ciangun tua Biakinn tung a aki suang steeple enkawm sa-in pai uh hi. Kum tampi sung tembaw hawlte in hih pen innlam tun theih nading lam lakin zang uh hi.
Eite in zong lamlak ding i kisam ciat hi. Jesuh in hih thu inndei tung nung Nitak an a nek laitakin a gen hi. Amah a ciah khit ciangin Kha Siangtho thu-um mite’ nuntakna lam lak ding hi, ci-in Jesuh in vaikhak hi. Jesuh in, “Kha Siangtho hong pai ciangin note thuman thutak ah hong makaih ding hi” (John 16:13) a ci hi.
A hoih mahmah lamlak ahi hi. Lungkiatna leh patauhna tawh akidim hih leitungah lamlak i kisam hi. Ngeina zuihna ahih keileh lungsim kisiatnate hangin eite in baih takin lam kikhial thei hi (1Johan 2:15-17). Pasian’ Kha Siangtho pen hong huh ding, lam hong lak ding, leh hong makaih dingin om gige hi. Eite in kisap hun ciangin hong huh ding Kha Siangtho nei i hih manin a lungdam huai mahmah thu ahi hi. Kha Siangtho ki makaih sak lecin na ma na tun zo ding hi.––Joe Stowell
Lam hong hilh in, Tung Pasian aw,
Keu gaw gam khualzin lai-in,
Ka thanem hang, Nang na thahat
Na khut tawh hong len den in––D.De Haan
Kha Siangtho pen a muanhuai lamlak ahi hi.
Nipi Ni
LAMLAK KISAM
SIMDING:
James 4:11-17
Thuman Kha Siangtho hong pai ciangin thuman thutakah note hong makaih ding hi.–Johan 16:13
KUMTAWN LAI SIANGTHO:
Siampi Laibu 29-30
Matthai 21:23-46
Ireland, Galway a om St. Nicholas Biakinn in tangthu sau nei in tuni ciang kizang mahmah lai hi. Ireland ah akiphut masa pen biakinn hi-a, lam hilh zong ahi hi. Tua Biakinn aa taute pen khuapi sangin sang zaw hi. Tembaw hawlte in Galway Bay a tun nop uh ciangun tua Biakinn tung a aki suang steeple enkawm sa-in pai uh hi. Kum tampi sung tembaw hawlte in hih pen innlam tun theih nading lam lakin zang uh hi.
Eite in zong lamlak ding i kisam ciat hi. Jesuh in hih thu inndei tung nung Nitak an a nek laitakin a gen hi. Amah a ciah khit ciangin Kha Siangtho thu-um mite’ nuntakna lam lak ding hi, ci-in Jesuh in vaikhak hi. Jesuh in, “Kha Siangtho hong pai ciangin note thuman thutak ah hong makaih ding hi” (John 16:13) a ci hi.
A hoih mahmah lamlak ahi hi. Lungkiatna leh patauhna tawh akidim hih leitungah lamlak i kisam hi. Ngeina zuihna ahih keileh lungsim kisiatnate hangin eite in baih takin lam kikhial thei hi (1Johan 2:15-17). Pasian’ Kha Siangtho pen hong huh ding, lam hong lak ding, leh hong makaih dingin om gige hi. Eite in kisap hun ciangin hong huh ding Kha Siangtho nei i hih manin a lungdam huai mahmah thu ahi hi. Kha Siangtho ki makaih sak lecin na ma na tun zo ding hi.––Joe Stowell
Lam hong hilh in, Tung Pasian aw,
Keu gaw gam khualzin lai-in,
Ka thanem hang, Nang na thahat
Na khut tawh hong len den in––D.De Haan
Kha Siangtho pen a muanhuai lamlak ahi hi.