February 7
Ninga Ni
TUA GALHANGPA KUA AHIAM?
SIMDING:
Thk 3:7-11
Midangte mai-ah na meivak tang sak in. Tua hileh amaute in a hoih nasepte hong mu in vantung a om na Pa min a thang sak ding uh hi.–– Matthai 5:16
KUMTAWN LAI SIANGTHO:
Siampi Laibu1-3
Matthai 24:1-28
Thukhente Laibu i sim ciangin kidona leh galkapte thu bekbek kimu ahih manin khat veivei ciangin galhangte thu a sim bangin ka kingaihsun hi. Deborah, Barak, Gideon, leh Samson-te thu kimu hi. Othniel thu zong ki mu hi.
Ama thu ki tom gen in ki cian mah mah hi (Thk 3:7-11). Amah pen mihat misiam-in kigen lo hi. Pasian in Othniel zangin nasem ahihna kimu thei hi: “Pasian in a honkhia ding mikhat a pia hi” (tg.9), “Pasian’ Kha Siangtho ama tungah om hi” (tg.10), “Pasian in a khut sungah Mesopotamia kumpi Cushan-Rishathaim a pia hi”(tg.10).
Othniel nuntakna in Pasian’ na sepna a thupi pen ahihna hong lak hi. A zaknop tangthu leh thu gen siam te pen beipah lel ding hi. Hih bang na te tungah iki ngak luat ciangin Pasian’ nasepna kimu theilo hi.
Ka neu lai in siamna tampi neileng mi tampite Jesuh kiangah ka tunpih zo ding hi, ci-in ka ngaihsun hi. Ka khial mahmah hi. Pasian in na lian a sem dingin mi mawkmawkte zang hi. I nuntakna tungtawn in Pasian’ meivak tangin Ama min thang sak a, mite ama kiangah tunpih hi (Mat. 5:16).
Mite in ei hong et ciangin ei hong muh sangin Pasian a muh ding thupi zaw hi.––Poh Fang Chia
Ka lungtang sungah Pasian’Kammal
a tawntungin teng den hen,
Tua kammal tungtawnin gualzawhna
ka ngah thei ding hi.–– Wilkinson
Ciangtan nei i siamna in ciangtan neilo Pasian’ vangliatna kilang sak hi.
Ninga Ni
TUA GALHANGPA KUA AHIAM?
SIMDING:
Thk 3:7-11
Midangte mai-ah na meivak tang sak in. Tua hileh amaute in a hoih nasepte hong mu in vantung a om na Pa min a thang sak ding uh hi.–– Matthai 5:16
KUMTAWN LAI SIANGTHO:
Siampi Laibu1-3
Matthai 24:1-28
Thukhente Laibu i sim ciangin kidona leh galkapte thu bekbek kimu ahih manin khat veivei ciangin galhangte thu a sim bangin ka kingaihsun hi. Deborah, Barak, Gideon, leh Samson-te thu kimu hi. Othniel thu zong ki mu hi.
Ama thu ki tom gen in ki cian mah mah hi (Thk 3:7-11). Amah pen mihat misiam-in kigen lo hi. Pasian in Othniel zangin nasem ahihna kimu thei hi: “Pasian in a honkhia ding mikhat a pia hi” (tg.9), “Pasian’ Kha Siangtho ama tungah om hi” (tg.10), “Pasian in a khut sungah Mesopotamia kumpi Cushan-Rishathaim a pia hi”(tg.10).
Othniel nuntakna in Pasian’ na sepna a thupi pen ahihna hong lak hi. A zaknop tangthu leh thu gen siam te pen beipah lel ding hi. Hih bang na te tungah iki ngak luat ciangin Pasian’ nasepna kimu theilo hi.
Ka neu lai in siamna tampi neileng mi tampite Jesuh kiangah ka tunpih zo ding hi, ci-in ka ngaihsun hi. Ka khial mahmah hi. Pasian in na lian a sem dingin mi mawkmawkte zang hi. I nuntakna tungtawn in Pasian’ meivak tangin Ama min thang sak a, mite ama kiangah tunpih hi (Mat. 5:16).
Mite in ei hong et ciangin ei hong muh sangin Pasian a muh ding thupi zaw hi.––Poh Fang Chia
Ka lungtang sungah Pasian’Kammal
a tawntungin teng den hen,
Tua kammal tungtawnin gualzawhna
ka ngah thei ding hi.–– Wilkinson
Ciangtan nei i siamna in ciangtan neilo Pasian’ vangliatna kilang sak hi.