September 9
Nipi Khuavaak
HICIANG DONG
TOPA’N NONG KHA
SIMDING:
Late 25:1-11
Na thumanna lampi ah kei hong kha in. Nang ka honpa na hi, Nisim-in kong ngak hi. ––Late 25:5
KUMTAWN LAI SIANGTHO:
Paunak 6-7
2 Korin 2
London khuapi sunga Westminster naipi pen Big Ben zong kici-a, minthang ahih manin mikim phial in i thei kim ding hi. I inn tek ah zong naipi kinei-in tua naipi tawh a gindan zong kibang dingin lam-en ing. Handel’ phuah Messiah la-aw tawh khuang hi. Tua la pen anuai-a bang ahi hi:
Hiciang dongin,
Topa’n hong kha;
A vanglian tawh,
Ka khe taal lo.
Hih lamalte pen Pasian’ lam hong hilh ding ngetna lamal hi. Kumpi David in nisim-in Topa’ huhna kisam ahih lamtak gelh hi. Late 25 ah: “Na thumanna lampi ah kei hong kha in, Nang ka honpa na hi; Nisimin kong ngak hi” (tg. 5) ci hi. Pasian’ nung zuih tawntung ding pen David ii lunggulhna bulpi ahi hi. Ama’ lungtup in nisim-in Topa tungah upna neih tawntung ding ahi hi.
Eite in zong i lunggulhna hisak ciat ni. Pasian lunggulhna tawh i nite i kipansak ding a, leitung ngaihsutna in lam akhialh sakloh ding kikem ding hihang. Topa, ka thungetna uha: “Tuhun dongin, Topa’n nong kha” hong cisiam sak in.---Dennis Fisher
Hun citeng ah
Thungetna in vaang hong pia den,
Thungen den leng bang hiam i kitangsap,
Eite Topa’ vangliatna tawh i kizom den.- Morton
Jesuh pen zingsang tuung na ngaihsut masak hisak in,
a nunung lup hun ding ciang zong amah bek hisak in.
Nipi Khuavaak
HICIANG DONG
TOPA’N NONG KHA
SIMDING:
Late 25:1-11
Na thumanna lampi ah kei hong kha in. Nang ka honpa na hi, Nisim-in kong ngak hi. ––Late 25:5
KUMTAWN LAI SIANGTHO:
Paunak 6-7
2 Korin 2
London khuapi sunga Westminster naipi pen Big Ben zong kici-a, minthang ahih manin mikim phial in i thei kim ding hi. I inn tek ah zong naipi kinei-in tua naipi tawh a gindan zong kibang dingin lam-en ing. Handel’ phuah Messiah la-aw tawh khuang hi. Tua la pen anuai-a bang ahi hi:
Hiciang dongin,
Topa’n hong kha;
A vanglian tawh,
Ka khe taal lo.
Hih lamalte pen Pasian’ lam hong hilh ding ngetna lamal hi. Kumpi David in nisim-in Topa’ huhna kisam ahih lamtak gelh hi. Late 25 ah: “Na thumanna lampi ah kei hong kha in, Nang ka honpa na hi; Nisimin kong ngak hi” (tg. 5) ci hi. Pasian’ nung zuih tawntung ding pen David ii lunggulhna bulpi ahi hi. Ama’ lungtup in nisim-in Topa tungah upna neih tawntung ding ahi hi.
Eite in zong i lunggulhna hisak ciat ni. Pasian lunggulhna tawh i nite i kipansak ding a, leitung ngaihsutna in lam akhialh sakloh ding kikem ding hihang. Topa, ka thungetna uha: “Tuhun dongin, Topa’n nong kha” hong cisiam sak in.
Hun citeng ah
Thungetna in vaang hong pia den,
Thungen den leng bang hiam i kitangsap,
Eite Topa’ vangliatna tawh i kizom den.- Morton
Jesuh pen zingsang tuung na ngaihsut masak hisak in,
a nunung lup hun ding ciang zong amah bek hisak in.